गलकोट- नुवाकोट
लोकछन्द- सवाई
**********
पुछारमा गौँदी खोला द्यौराली हो शीर,
देब्रेपट्टि जुगे खोला घट्टे दायाँ तिर ।
समपोखरा मुलाछर्ने भनन्चौर अनि,
हलो तास्ने ठूलोचौर पाखापानी पनि ।
देउपुजे हुँदै तल तीजको डाँडा मुनि,
भुमेस्थान मन्दिर हुँदै पालेबन पनि ।
भलाबोट,काउले माथि ठूलोखोला पनि,
नुवाकोट्मै ठूलोदारा घाँस काट्न जाने ।
भुमेस्थान भूमे पूजा कालिकामा पाठ ।
भूमे प्रावि तल पर्छ स्वामीको रुख साथ ।
घट्टे खोला घट्ट हाल्ने तीजको डाँडा खेल ।
रीठा रुख उखु पेल्ने स्वामीका रुख तेल ।
डाँडाखेत ओर्लिएर लागौँ माथि तिर,
देब्रेपट्टि देखिने छ निलुवाको शीर ।
ओखरबोट डिहीँ दायाँ धनमूँडा पनि,
अलि माथि पुग्दा खेरी बैरी काटे अनि ।
देब्रे तिर हेर्नुहोला सुबेदीका घर,
ती मध्यको हरि शर्मा सुबेदी हो थर ।
चार जात छत्तिस बर्ण सबै बस्छन मिली ।
रङ्गी चङ्गी फूलबारी झैँ देख्छु झिली मिली ।
अमेरिका जापान कोही कतार मलेसिया,
कोही भारत,अस्ट्रेलिया गाउँ छिया-छिया ।
बिदेशमा बसेपनि माया गर्न मिल्छ ।
चटक्कै भुल्दा भने धर्ती सराप दिन्छ ।
हरि शर्मा (सुबेदी)
गलकोट- नुवाकोट, बाग्लुङ, नेपाल
हाल: मिसिगन अमेरिका।
