Sunday 22nd November 2026

कविता:- रुन्चे हाँसो -राम भण्डारी


‘रुन्चे हाँसो’

चाहना महिनौ देखिको झिसमिसे मै खुसी रोपियो ।
आफ्नो गन्तव्यमा पुग्ने सपना पुरा हुँदैछन् देखियो ।।

झर्दै नेपाली भूमिमा असिम खुसी झल्कियो ।
जिज्ञासा प्रस्टै थियो मुहारमा रुन्चे हाँसो टल्कियो ।।

आएँ जितेर मृत्युलाई, सम्झिंदा ममताको आगो सल्कियो ।
दृश्य यो आगमनले आँखामा खुसीको सागर छल्कियो ।।

सुरुवात राम्रो,रोकिनु हुन्न अब,पहिले जे भयो भैसक्यो ।
परदेशी जति छन् दुःखमा रहेका फेरि लिन गैसक्यो ।।

बेखर्ची,असक्त असहाय पालैपालो आउनुहोस ।
फर्की मातृभुमिमा माटोको टिका लाउनुहोस् ।।

कोभिड छ सतर्क रहनु होसियार,आएका जति बेस भो ।
मिलाइ उपयोग गरौं जे जे हाम्रो श्रोत साधन छ देशको ।।

फेद टुप्पो केहि पत्तो छैन, कस्तो अधर्मी सल्कियो ।
गलत के भो यो धरतीमा, किन काल पल्कियो ।।

कसरी हाँस्न सकिन्छ यहाँ हाम्रो देशै रोएको बेला ।
नेपाली दाजुभाई एक अर्का माथि नगरौं है हेलाँ ।।

फूलबारीमा फूल झैं मुस्कुराउँदै खुलेर बसौ ।
एउटै धागोको माला झै उनिएर मिलेर बसौं ।।


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...