Sunday 22nd November 2026

कविता:- “सपनाको झोला” -राम भण्डारी


“सपनाको झोला”
-राम भण्डारी

कहिले उड्ला मेरो विमान
सपना बोकेको
मलाई दृढ इच्छा छ
माटोको मिठो बासना सुंघ्ने
आफ्नै पाखा पखेरामा बेस्सरी कुद्ने ।

आजभोली भन्दै किन यसरी रोकेको
बाबाको अन्तिम ईच्छा मेरो अनुहार हेर्ने
के पुरा होला त?

उड्ने बाटोमा कोरोना भएर होकी
मलाई डर लागेको छ
कि बिसान गर्ने ठाउँमा कोभिड को डेरा छ?
मलाई तै पनि भर लागेको छ ।

आफ्नै देश फर्किदा
स्वर्ग को अनुभुति हुने
परदेश टेक्दाको जिज्ञासा जस्तै किन?
अचम्म लागेको छ ।

सानीले सम्झाइ झोला छुट्ला है
बाबुको खेलाौना भएको
अनि….अनि भन्दा भन्दै
पैसा सकियो कि फोन काटियो ।

तर सपनाको झोला अझै
भरिएको थिएन धेरै पसिना बेचियो
शरिर सुक्दै गयो यादमा घरको
मानौ शरीरमा पसिना नै सकियो ।

त्यहि आधी सपनाको झोला कसेर बसेको
पधेरामा पानी भर्ने पालो आउँछ कहिले ?
एक दिन अबस्य उड्छ मेरो विमान
बाबाको प्राण भन्दा पहिले ।

सम्पुर्ण नेपाली अडिग रहौं
कोभिड सँग लड्न
दृढ विश्वास अनि आत्मबल लिएर
आफ्नै आमाको काखमा
पसिना बगाउने अठोट गरि फर्कौं ।


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...