“संघर्ष गरेकी छु”
खाएर होस या नखाएर दुःख त सधैं गरेकी छु ।
खै कसरी सुनाउँ, आफै अन्योलमा परेकी छु ।।
सबैले भन्छन कति खुसी छस है तँ
तर संगी साथीसँग अलग सरेकी छु ।
खायर होस या भोकै दुःख त गरेकी छु ।।
कोहि भोकमरीले रोएका छन, कोहि रोगले च्यापेर
त्यही बिचको हुँ म पनि संघर्ष त गरेकी छु ।
सङ्गी साथी देखि अलग सरेकी छु ।
परदेशमा छु कस्लाइ सुनाउ मनको कुरा
मनमनै भगवान को पाउ परेकी छु ।
आज कोरोनाले गर्दा पर पर सरेकी छु
मरेर भए पनि आँसु लुकाइ संघर्ष गरेकी छु ।
कति दुःख दिन्छस ए दैब!
कहिले साहुको वचन त कहिले आफ्नाको वचन
तर जिउँदै मरेर पनि बाँचे जस्तै गरेकी छु ।
सकि न सकि अगाडि सरेकी छु
सत्तुरको अगाडि संघर्ष गरेकी छु ।
पटक पटकको चोट सहन
गार्हो भैसक्यो मलाइ
आज तेरो खुसीको निम्ति
मेरो खुसी हरेकी छु
केही गर्छु भनेर संघर्ष गरेकी छु ।।
-तारा अर्याल
{बिरानो मुलुक}
