##मुक्तक##
आज मात्र हैन हरेक दिन रात भएको छ।
यस्तो लाग्छ कि ठुलो बज्रपात भएको छ।
किन बुझ्दैन अझै सम्म पनि यो समाजले
चोखो मायाको तगारो नै जात भएको छ।
(१)
हारी सके यो दुनिया पक्षपाती बाट।
दुःखेको छ मन मुटु हिजो राति बाट।
जसलाई आफ्नै सम्झेर सर्वस्व सुम्पिए
उही बाट धोका भो विश्वासघाती बाट।
(२)
मनमा खुशी उमङ्ग साँची केही गर्नु छ।
जति पीडा भए पनि नाची केही गर्नु छ।
अरुको कुभलो चिताउनेहरु जलेरै मर्छन्
त्यसैले त यही जूनिमा बाँची केही गर्नु छ।
(३)
सिर्जना पाण्डे (सिरु)
चितवन, नेपाल
हाल – नेपाल बाहिर
