#गजल#
-तारा अर्याल
यो जिन्दगी देखि आफै हारेर हिडेको मान्छे म ।
आफ्ना सारा खुशी सपना मारेर हिडेको मान्छे म ।।
खुशी मेरो साथमा छैन दुख साथी हुन खोज्दा
दुख संगै आफ्नो जीवन टारेर हिडेको मान्छे म ।।
मेरो भागको सारा हाँसो मैले उसकै नाम गरि
आँसु आफ्नो भागमा पारेर हिडेको मान्छे म ।।
दुःख छोडी जान्न खुशीले साथ दिन्न कत्ति
त्यही दुःख बोकी बसाइ सारेर हिडेको मान्छे म ।।
सागर बरु सुक्ला तर आज यी परेली नओभाउदा
आँसुले आफ्नो आँखालाइ चारेर हिडेको मान्छे म ।।
हाल – मरूभूमिको देश
