जे हुन्छ हुन्छ
-राम भण्डारी
कसैलाइ थाहा छैन अब के हुन्छ ।
सक्छौ भने कोहि भनि देउ अब जे हुन्छ ।।
कति सहनु धैर्यताको बाँध फुट्ने पो होकी
परिणाम भोग्न तयार छौं अब जे हुन्छ ।
दैवी विपत्तिमा जुध्न बानी परेर होकी
कत्ति विचलित हुँदैनौं थाम्छौं जे जे हुन्छ ।।
एकतामा अनेकता, साहसी हाम्रो मुलमन्त्र
यसमै अडिग रहेर जुटौं जहाँ जे जे हुन्छ ।।
परदेशी पनि छिट्टो फर्क आफ्नै माटोमा
बिपत्तिको सामना गरौं जे हुन्छ हुन्छ ।।
