धोका दिन्छ एकजनाले संसारसँग के गुनासो ।
काट्ने काम हो खुकुरीको त्यो धारसँग के गुनासो ।।
मौसमको मतलब छैन, अनेक देखिन्छ शहरमा
आफ्ना रहर पूरा गर्छन्, संस्कारसँग के गुनासो ।।
मलाई माया गर्छु भन्नेको मन चोखो भए पुग्छ
कालो होस् या त गोरो अनुहारसँग के गुनासो ।।
मझधारमा बग्ने मान्छे, नदी जस्तै लाग्छ मलाई
उनको मेरो भेट हुन्न त किनारसँग के गुनासो ।।
कुरुपलाई नि चट्ट पार्दै झुक्याइदिने यी नयनलाई
मन आखिर मनै हुन्छ श्रृङ्गारसँग के गुनासो ।।
तारा अर्याल
हाल – मरूभूमिको देश
