Sunday 22nd November 2026

गजल -सिर्जना पाण्डे (सिरू)


###गजल###

दिनपछि आउने रातमा पनि उज्यालो दिने जून हुन्छ।
गीतमा मिठास भर्ने संगीतको सुमधुर मीठो धुन हुन्छ।।

जातजातिमा गर्नु हुन्न भेदभाव हामी सबै मान्छे नै हौं
बाहुन र कामी दुबैको शरीरमा बग्ने त रातो खुन हुन्छ।।

बर्गीया विभेद अझै पनि कायमै छ हाम्रो यो समाजमा
त्यसैले गरिबको सुन पितल,धनीको पितल सुन हुन्छ।।

अहिले सम्म रुढीबादी परम्पराले ग्रसित छ मान्छे हरु
भन्छन् कालो~बिरालोले बाटो काटे~अपसगुन हुन्छ।।

यो देशको राजनीतिक अस्थिरता देखेर म छक्क पर्छु
जसरी पनि मकै सँगै पिसिने त आखिर त्यो घुन हुन्छ।।

सिर्जना पाण्डे(सिरु)
रत्ननगर नगरपालिका-१
सौराहा चोक, टाडी, चितवन
हाल-कुवेत


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...