तितोपाटी – कुवेतमा कोरोना भाइरस (कोभिड-१९) बाट पछिल्लो २४ घन्टामा ६ नेपाली सहित ३६४ जना संक्रमित भएका छन, भने ५ जनाको मृत्युु भएको कुवेत स्वास्थ्य मन्त्रालयले पुष्टि गरेको छ ।
कुवेतमा पछिल्लो २४ घन्टामा ३६४ सहित अहिलेसम्ममा ४,९८३ जनामा कोरोना संक्रमणको पुष्टि भएको स्वास्थ्य मन्त्रालयले जनाएको छ । कुवेतमा कोरोना भाइरसबाट आजसम्ममा ८४ जना नेपाली संक्रमित भएका छन । पछिल्लो २४ घन्टामा कोरोना भाइरसबाट ५ जना सहित अहिले सम्ममा मृत्युु हुनेको संख्या ३८ पुगेको छ ।
पछिल्लो २४ घन्टाको तथ्यांक अनुसार सबै भन्दा बढी जना भारतीय नागरिक रहेका छन । कुवेतको स्वास्थ्य मन्त्रालयको पछिल्लो २४ घन्टाको तथ्यांक अनुसार कोरोना संक्रमणबाट मृत्यु हुनेमा ४६ वर्षीय बङ्गाली नागरिक, ४३ र ६३ वर्षिय इन्डियन नागरिक, ६१ वर्षिय पाकिस्तानी नागरिक र ५४ वर्षिय जोर्डनी नागरिक रेहेको अरब टाइम्स अनलाइनमा जनाइएको छ ।
कुवेतको स्वास्थ्य मन्त्रालयले दिइएको जानकारी अनुसार जम्मा ४,९८३ जना कोरोना संक्रमित मध्ये अहिले सम्म १,७७६ जनाले स्वास्थ्य लाभ गरिसकेका छन । कोरोना भाइरसबाट संक्रमित ३,१६९ जना विभिन्न अस्पतालमा उपचाररत छन भने ७२ जनाको स्वास्थ्य अवस्था निकै गम्भीर रहेको छ । कुवेत आप्रवासी कामदारमा बढी कोरोना भाइसको संक्रमण फैलिएको छ ।
तस्बिर – अरब टाइम्स कुवेत
