तिम्रो मन रैछ अंगार फुर्ती नगर
लगाएर सुनको हार फुर्ती नगर ।
धनी कसरी बन्यौ छर्लङ्गै छ नि
कस्तो घृणित व्यापार फुर्ति नगर ।
तिमीहरूकै लागि खोलिए भट्टीहरु
रक्सी पियर बारम्बार फुर्ती नगर ।
बाहिर ठिक्क पारी भित्र छुरा रोप्ने
तिम्रो त्यो नौजाले प्यार फुर्ती नगर ।
पैसाकै वलले ठाउँमा पुग्यौ तिमी
गरेका हैनाै र भ्रष्टाचार फुर्ती नगर ।
बलवान त समय हुन्छ हुदैन मान्छे
बिना अर्थ तिमी लगातार फुर्ती नगर ।
नामको अगाडि फलानो झुन्डिएपछि
कसरी तिमी ईज्जतदार फुर्ती नगर ।
