तोयानाथ उपेक्षित – संसारभर नै मौसम अति तातो भईरहेको बेला कुवेतको त कुरै नगरौ । तातोमा तातो चिसोमा चिसो यहाँको मौसमले रेकर्ड तोडिसकेको छ र यो अवस्था अझै भयावह हुने आंकलन गरिएको छ । जुन महिनाभरीमा यहाँको रेकर्ड गरिएको तथ्यांकमा एक रुपता नभए पनि ६४ डिग्रि सम्म मापन गरिएको छ र जुलाई र अगष्ट मा सूर्यको सिधा मुनी ८० डिग्रि सम्म पुग्छ भनिदैछ । यो अनुमान सत्य नहोस र त्यतिको तापक्रम नपुगोस भनि कामना गरौ । कुवेत यसै पनि संसारकै सवै भन्दा गरम हुने देशमा पर्दछ । खाडी राष्ट्रमा गर्मी सिजनमा खासगरी जुन १५ देखि सेप्टेम्बर १५ सम्म आउट डोर काममा लगाउन विहान ११ बजे देखि ४ बजे सम्म प्रतिबन्ध लगाईएको छ ।
यसो त फ्रान्सलाई सहारा मरुभूमिको तातो हावाले विचलित बनाईरहँदा संसारका ठुला मिडियाहरुले ती भन्दा ठुला समाचार बनाईरहेका छन । युरोप उसरी नै तातिएको छ । नेपालको हिमालमा हिउँको लेएर माथि सरेको छ भारतको चेन्नाईमा पानीको ठुलो हाहाकार मच्चिएको छ ।
कुरा तापक्रम कति डिग्रि पुग्यो भन्ने होईन ? यसरी तापक्रम बढदै जाने हो भने पृथ्वीमा मानिस वा जीवको आयु अव कति हुने भन्ने चिन्ता आम मानिसको सरोकारको विषय हो । ग्लोवल वार्मिङ घटाउने अन्तराष्ट्रिय प्रयासहरु विगत देखि हुँदै आए पनि त्यसको उति प्रभावकारी कार्यन्वाईन हुन नसक्नुले अब यो धर्ति कतै विनासको चरणमा त छैन भन्ने आशंकालाई मलजल नै गरेको छ । दक्षिणी गोलार्धमा जमिन मुनीको जल सतह घटदै जाने र माथिल्लो सतह खण्डहर हुने क्रम जारी छ भनिन्छ अब को ५० बर्ष पछि दक्षिणी गोलार्धको आधा भूभाग मानिस बस्नका लागि लायक हुने छैन ।
उत्तरी र दक्षिणी ध्रुबका किनाराहरू गर्मिको कारण पग्लदै छन । हिउँका ठुला ठुला पहाडहरुमा भूक्षय निरन्तर जारी छ जसले गर्दा समुन्द्री सतहमा रहेका मुलुक डुब्ने खतरामा छन । ठुला शक्ति राष्ट्रहरुको आणविक प्रतिस्पर्धा, ओजन तहमा कार्वनडाई अक्साईडको बढ्दो चापले हाम्रो आकाश पनि असुरक्षित बन्दै गएको छ । अम्लिय वर्षाको खतरा बढदै जाँदा पृथ्वी माथिको जोखिम सवैतिरबाट बढने निश्चित छ । गरिब मुलुकहरु धनी राष्ठ्रको राक्षसी नीतिको शिकार हुन थालेका छन ।
खाडी राष्ट्रमा रहेका तमाम घरका छानामा राखिएका एसीका ईन्जिनहरुमा आगो लाग्न बाँकी छ सडकमा गुड्ने ईन्जिनहरु त दिनहु जलिरहेका छन । यहि अवस्था रहने हो भने केही बर्ष पछि खाडी राष्ट्र खाली हुने खतरामा पुग्ने छन । गरिब नेपाल जस्ता देशहरुमा प्रचण्ड गर्मी सगै उत्पन्न बिशाक्त खाध्य र विशालु जिव तथा रोगको भयावह अवस्था आउने निश्चित छ । केही वर्षयता तराईमा भईरहेको डेंगु आतंक र पहाडमा मच्छडको स्थानान्तरणको संकेत बुझ्न गाहो छैन ।
बेमौसमी वर्षात, आँधी, चट्यांग, बाढी, भुकम्प लगायतको दैवी प्रको ले पनि पृथ्वीको सन्तुलनमा आईपरेको खतराको संकेत दिई नै रहेका छन । यसै होईन महान बैज्ञानीक स्टेफिन हकिंसले भनेका छन अब को १,००० देखि १०,००० बर्षमा पृथ्वीको आयु समाप्त हुदैछ । बेलैमा मानिसको अस्तित्व बचाउने हो भने ब्रह्माण्डमा रहेका अनुकुल ग्रहको खोजी गरेर रवाना हुन पर्दछ ।
गर्मीबाट बचौं स्वास्थ्यको ख्याल गरौं ।
