Wednesday 12th December 2018

नवलपरासीका केशब कुवेत अाएकै दिनदेखि सम्पर्कविहिन, खोजीका लागि अाग्रह


तितोपाटी – वेदेशिक रोजगारीको क्रममा कुवेत अाएका एक नेपाली युवा कुवेत अाएकै दिनदेखि हराएका छन् । नवलपरासी जिल्लाको वैदीकाली गाउँपालिका – ३ घर भएका राहदानी नंं. ०९४५४००४ का केशबराज मस्राङ्गी मगर कुवेत अाएकै दिन देखि सम्पर्क विहिन भएका हुन । उनी गत नोभेम्बर १२ तारिक  Sun & Company Pvt. Ltd. अनामनगर काठमाण्डु मार्फत कुवेतको United Gulf Construction Company कुवेतमा रोजगारीका लागि अाएको बुझिएको छ । सो कुराको जानकारी कुवेत स्थित कल्याणकारी नेपाली युवा समाज कुवेतका सचिव रवि रार्इले तितोपाटी डट कम दिएका हुन ।

३० वर्षीय मस्राङ्गी पहिलो पटक वैदेशिक रोगजारीमा अाएका भने होइनन् । उनी यस अघि कतार र साउदीमा समेत रोजगारीमा गएर फर्किसकेका युवा हुन । खाडी मुलुकको रोजगारीको अनुभव भर्इ सकेका उनी कुवेतमा काम गर्न अाएको कम्पनी भन्दा बाहिर धेरै तलब पाइने अाशामा कुवेत अाएकै दिन भागेको कुवेत स्थित कम्पनीले अारोप लगाएको छ भने कुवेत एयरपोर्टमा उनलार्इ लिन गएको ड्राइभरका अनुसार उनले कम्पनीको क्याम्पमा अाउने बित्तिकै ‘म सामुहिक रूपमा बस्दिन, मलार्इ एक्लै बस्न छुट्टै कोठा दिनुपर्छ’ भन्ने जस्ता कुरा गरेको भन्ने सुन्नमा अाएकोले उनको मानसिक स्थिति बिग्रिएकोले कम्पनी छोडेको हुन सक्ने बताउँदै केशबराजलार्इ खोजी गर्नको लागि नेपाली राजदूतावास कुवेत, कुवेतमा रहेका पत्रकारहरू र कुवेतमा कृयाशिल संघ सँस्था एवं केशबराज मस्राङ्गी मगरलार्इ चिन्नु हुने सबैलार्इ कल्याणकारी युवा समाज कुवेतका सचिव रवि रार्इले अाग्रह गरेका छन् ।

उता देश परदेश अनलाइनमा प्रकाशित समाचारका अनुसार नेपालमा श्रीमती, एक छोरा र एक छोरी  रहेका केशबराज कुवेत अाएकै दिन देखि सम्पर्क विहिन भएपछि घर परिवार अतालिएको छ भने पछिल्लो समय  उनी कहाँ छन् र कस्तो अवस्थामा छन् बुझिदिन परिवारले आप्रवासी स्रोत केन्द्र (सुरक्षित आप्रवाशन सुचना तथा परामर्श केन्द्र) कावासोतीमा निवेदन दिएको पनि बुझिएको छ भने केशबराज मश्रांगी मगरलाई कुवेतमा देख्नु भएको छ भने  रहेका उनका परिवारलार्इ मोवाइल नं.  ९८४४७४९१७७ मा, आप्रवासी स्रोत केन्द्र कावासोतीको टेलिफोन नम्वर ०७८-५४०३११ मा वा कुवेतमा स्थित कल्याणकारी नेपाली युवा समाज कुवेतको सम्पर्क नं. ६०४६९९६६ तथा ९६९६३२२५ मा खबर गरिदिन कल्याणकारी नेपाली युवा समाज कुवेतले अाग्रह गरेको छ ।


Loading...
सम्बन्धित शीर्षकहरु

तीतोपाटी-राष्ट्रिय सङ्गीतकर्मी सङ्घका अध्यक्ष तथा चर्चित गायक  राजेन्द्र कुमार कार्कीको नयाँ गित चोयाको डोको बजारमा सार्वजनिक भएको छ।दमौलीमा गेट,पापी सन्सार,माला…

तितोपाटी - काठमाडौंमा अस्थायी रुपमा सञ्चालनका लागि भनेर ल्याइएका विद्युतीय बस त्यसै थन्किएका छन् । प्रधानमन्त्री केपी शर्मा ओली आफैंले तामाझामका…

तितोपाटी - मंगलबार राति फ्रान्समा एक क्रिसमस बजारमा बन्दुकधारीले गोली चलाउँदा ४ जनाको मृत्यु भएको छ भने दर्जनभन्दा बढी घाइते भएका…

प्रतिकृयाहरू