Sunday 22nd November 2026

सरकारले छिट्टै नै कतार, युएइ र अोमानसँग पनि श्रम सम्झाैता गर्ने


तितोपाटी – वैदेशिक रोजगारीमा जाने नेपाली कामदारको हित हुने गरि कतार, युएइ र अोमानसँग पनि छिट्टै नै श्रम सम्झाैता गरिने भएको छ । हिँजो सोमबार मात्रै मलेसियासँग सोमवार श्रम सम्झौता गरेको सरकारले अरू तीन देशसँग पनि त्यस्तै सम्झौता गर्न लागिएको जनाएको हो । नेपालले वैदेशिक रोजगारीका निम्ति झण्डै सयवटा देश खुला गरे पनि पहिलो चरणमा बढी कामदार जाने १२ वटा देशमा उचित पारिश्रमिक र सेवा-सुविधासहितको श्रम सम्झौता गरिने सरकारको भनाइ छ।

सरकारले वैदेशिक रोजगारीमा जाने कामदारको टिकट र भिसा शुल्क रोजगारदाता कम्पनीले नै बेहोर्ने व्यवस्था लागु गरे पनि व्यवहारमा त्यो कार्यान्वयन हुन नसकिरहेका बेला श्रम सम्झौतामार्फत् नै त्यसलाई व्यवस्थित गर्ने प्रक्रिया अघि बढाइएको बताएको छ।

सोमवार मलेसियासँग यस्तै विषय सुनिश्चित गर्ने गरी सम्झौता गरेको सरकारले थप तीनवटा देशसँग पनि श्रम सम्झौता गर्न लागेको श्रम, रोजगार तथा सामाजिक सुरक्षामन्त्री गोकर्ण विष्टले बताए। उनले भने, “आगामी हप्ता यसै विषयमा छलफल गर्न कतारको सरकारी टोली आउँदैछ भने अर्को महिना नेपाली टोली कतारमा गएर छलफल गर्नेछ।” “ओमानका लागि प्रस्ताव पठाइएको छ। उसले पनि प्रतिक्रिया पठाएको छ जसलाई अन्तिम रूप दिने तयारीमा छौँ। युएईसँगको श्रम सम्झौतालाई आदानप्रदान गर्दैछौँ।”

यस्ता सम्झौताले रोजगारीमा कामदार जाँदा तिर्नुपर्ने खर्चदेखि त्यहाँ काम गर्दाको सेवा-सुविधा र सुरक्षा समेत सुनिश्चित गर्ने बताइएको छ। सरकारले रोजगारीका निम्ति खुला गरेका झण्डै एक सय देशमध्ये पहिलो चरणमा धेरै कामदार जाने एक दर्जन देशसँग श्रम सम्झौता गर्ने लक्ष्य लिएको मन्त्री विष्टले बताए। उनले भने, “करिब एक दर्जन देशमा सेवा, सर्त, सुविधा लगायतका व्यवस्था प्रस्ट गर्न सक्यौँ भने धेरै नेपाली श्रमिकको हितको रक्षा गर्न सकिन्छ भन्ने निष्कर्षमा पुगेका छौँ। त्यसैअनुसार अरू देशसँग पनि श्रम सम्झौता गर्ने गरी अगाडि बढदैछौँ।”

देशको अर्थतन्त्र र वैदेशिक मुद्रा सञ्चितिमा वैदेशिक रोजगारीबाट आउने विप्रेषणको ठूलो योगदान रहने गरेको छ। तथ्याङ्क अनुसार नेपालबाट दैनिक झण्डै १,५०० कामदार वैदेशिक रोजगारीका निम्ति जाने गरेका छन।


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...