हरि कृष्ण न्यौपाने- घरेलु महिला कामदारको रुपमा कुवेतमा कार्यरत ४१ बर्षिया दिल माया राइले आफुले काम गर्ने घरमा झुन्डिएर आत्महत्या गरेकी छन। राइले हिँजो अक्टोबर २, मंगलबार,२०१८ का दिन कुवेतको जाहारा भन्ने स्थानमा अाफु कार्यरत घरमै आत्महत्या गरेकी हुन।
नेपाली दूतावास कुवेतका प्रथम सचिब भोगेन्द्र लिङ्देनले तितोपाटी डट कमसंग भने “आफु काम गर्ने घरमै झुन्डिएर आत्महत्या गरेकी भनिएकी दिलमाया राइको बारेमा अन्य जानकारी आउन बाँकी छ। उनको नेपालको ठेगाना, अन्य जानकारीहरु र राहदानी समेत दूतावासमा आउन बाँकी रहेको र प्रहरीले आत्महत्याको बारेमा प्रारम्भिक जानकारी मात्र गराएको हो। लिङ्देनले थपे” प्रहरी तथा सम्बन्धित निकायले आत्महत्याको बारेमा बृस्तृत अनुसन्धान गरी रहेको छ भने दूतावासले पनि आबश्यक कानुनी प्रकृयाका लागि काम शुरु गरिसकेको छ।”
दशैंको मुखमै आएर विदेशको ठाउँमा दिल मायाले आत्महत्या गर्नुको कारण भने प्रहरी र सम्बन्धित निकायले छानबीन गरे पछि मात्र पत्ता लाग्नेछ ।
