Wednesday 11th November 2026

गद्यकविता: नयाँ वर्ष -सुधा बासकोटा ढकाल


पुराना पीडा
व्यथा
दुख
कष्ट बिर्साउन
घाउ लागेको
हृदयमा
मलम लगाउन
आउँदै छ
नयाँ वर्ष!
उमङ्ग लिएर
मिठो प्रेमको
तरङ्ग लिएर
सन्तुष्टि
र आशा बोकेर
समृद्धि बोकेर
त्यसैले त
हरेक मुटुका
स्पन्दनमा
एउटा आशा
पलाएको छ
फेरि
जसरी
बोटबिरुवाहर
टुसाएका छन्
नव पालुवाका साथमा
जसरी पवनले
नयाँ सुवास
मग्मग
फैलाएको छ
ठिक त्यसरी नै
पुनः
नयाँ वर्ष
आउँदैछ
आशा जगाउँदै
जाँगर बटुल्दै
पुराना दिन
जस्ता भए पनि
बिते
रुमलिनु छैन
त्यसमा
पवित्र
कामना गरौँ
आजैबाट
नयाँ वर्ष
नयाँ
प्रवृत्ति लिएर आवस्
सबैका प्रवृत्ति
सुध्रिउन्
घरघरमा
समृद्धि झल्कियोस्
गुराँसझैँ
फुलोस् नयाँवर्ष
नव पालुवाझैँ
मुस्काएर
प्रत्येक नेपाली
हृदयमा
तृप्ति दिएर
खुलोस्
सुख शान्ति
र उमङ्ग छावस्
सर्वत्र
नयाँ वर्ष
विकास बनेर
आवस
खुशी बनेर
आवस!!

सुधा बासकोटा ढकाल
काठमाडौँ


सम्बन्धित शीर्षकहरु

खाडी सहयोग परिषद् (जीसीसी) का ६ सदस्य राष्ट्रले कुवेतमा संयुक्त सैन्य कमान्डको अग्रिम मुख्यालय स्थापना गर्ने र त्यसमा आवश्यक सैन्य…

यमपञ्चक अर्थात् तिहारको अन्तिम दिन आज दाजुभाइले दिदीबहिनीबाट टीका ग्रहण गरी भाइटीका पर्व मनाउँदैछन् । प्रत्येक वर्ष कात्तिक शुक्ल द्वितीयाका…

भाइटीकालाई भारतमा मनाइने रक्षाबन्धनकै अर्को रूप भन्ने गरिएको सुनिन्छ। यसमा केही समानता अवश्य छन्, तर यी दुई पर्व पूर्णतः एउटै…

प्रतिकृयाहरू
...