तीतोपाटी – कुवेतबाट वर्ष २०२१ मा १८ हजार २ सय २१ जना आप्रवासीहरूलाइ देश निकाला गरिएको छ । कुवेतको गृह मन्त्रालयले जनाए अनुसार १ जनवरी २०२१ देखि ३१ डिसेम्बर २०२१ को अवधिमा निर्वासन केन्द्रबाट १८ हजार २ सय २१ जना विदेशीहरूलाई देश निकाला गरिएको थियो ।
कुवेतबाट प्रकाशित हुने अरबटाइम्समा जनाइए अनुसार देश निकाला भएकामध्ये ११ हजार १ सय ७७ पुरुष र ७ हजार ४४ महिला रहेका थिए ।
देश निकाला गरिएका आप्रवासीहरू कानुनले निःषेध गरेका अवैधानिक कृयाकलापमा संलग्न, विभिन्न किसिमले कानुनको उलंघन गरेकाहरू, आवास अनुमति तोडेका र आवास अनुमति सकिएकाहरू रहेका छन् ।
