तीतोपाटी डटकम- नेपाल नागरिक उड्डयन प्राधिकरण (क्यान) को १२औं तह उपमहानिर्देशकमा चार जनालाई बढुवा गरिएको छ ।
बुधबार बसेको प्राधिकरणको सञ्चालक समिति बैठकले प्राधिकरणको उपमहानिर्देशकको रुपमा देवचन्द्रलाल कर्ण, हंसराज पाण्डे, गोविन्द दाहाल र प्रेमनाथ ठाकुरलाई १२औं तहमा बढुवा गर्ने निर्णय गरेको हो ।
प्राधिकरणका महानिर्देशक राजकुमार क्षेत्रीको उमेर हदका कारण हुन लागेको अवकाशको पूर्वसन्ध्यामा उनीहरुलाई बढुवा गरिएको हो । १२औं तहमा बढुवा भएकाहरु ११औं तहका सिनियर अधिकारीहरु हुन् । यस्तै ११औं तहका प्रदीप अधिकारीको भने बढुवा भएको छैन ।
बढुवा भएकाहरुले पत्र भने लिन बाँकी रहेको छ । बिहीबार सार्वजनिक बिदा भएकाले सम्भवत उनीहरुलाई शुक्रबार पत्र दिने प्राधिकरणको तयारी रहेको बताइएको छ ।
क्यापिटल नेपालबाट साभार
