तीतोपाटी, काठमाडौं – नेकपा (माओवादी केन्द्र) निकट प्रवास संगठन नेपाली जन प्रगतिशील मञ्च मलेशियाको आठौं अधिवेशन सम्पन्न भएको छ । अधिवेशनले मञ्चको अध्यक्षमा प्रेम पाण्डेलाई चयन गरेको छ ।
अधिवेशनबाट वरिष्ठ उपाध्यक्षमा रुपधन घर्तिमगर र उपाध्यक्षमा शुवास कार्की चयन भएका छन । महासचिवमा अर्जुन घर्तिमगर, सचिवमा बिर्ख बहादुर तामाङ र मनोज कुमार तामाङ त्यसै गरी कोषाध्यक्षमा सुगम बुढा चयन भए ।
यसै गरी २० जनालाई कार्य समिती सदस्यमा चयन गरिएको छ भने सह-कोषाध्यक्ष पद कार्यसमितिको बैठकले मनोनित गर्ने गरी रिक्त राखिएको अध्यक्ष प्रेम पाण्डेले बताए ।
कोरोना महामारीलाई मध्यनजर गर्दै सीमित भौतिक उपस्थितिका साथ भर्चुअल माध्यम जुम प्रयोग गरेर मंगलबार गरिएको अधिवेशनमा केन्द्रका केन्द्रीय सदस्य तथा प्रवास समन्वय समिति अध्यक्ष ओम शर्मा प्रमुख अतिथि थिए । विदेश विभाग सह-इन्चार्ज लक्ष्यमण पन्त,सचिव टिबी पाठक,पुर्वी एसिया क्षेत्रीय अध्यक्ष हर्क थापा,एनआरएन बेल्जियमका सह कोषाध्यक्ष लोक बहादुर दाहाल, पुर्व एसिया सचिव रमेश तिवारी लगायतले भर्चुवल्ली नयाँ समितिलाई शुभकामना दिए ।
