Thursday 19th November 2026

लघुकथाः प्यास -पुष्पा नेपाल (सुवेदी)


एकदिन एउटा बटुवा कतै गइरहेको थियो । ऊ जाने बाटोमा घना जंगल पर्दथ्यो । जाँदाजाँदा बटुवाले बाटो बिर्सियो र ज॔गलको वीचमा पुग्यो । ऊ जंगलबाट निस्कन यताउता बाटो खोज्न थाल्यो तर कतै भेटेन।

यताउता भड्किदा भड्किदै बटुवालाई यति प्यास लाग्यो कि अब ऊ बाटोभन्दा पहिले पानी खोज्न थाल्यो । पानी खोज्दै ऊ जंगलको झन् वीचतिर पुग्यो । त्यहाँ एउटा ठूलो र सुन्दर तलाउ थियो । यो देखेर ऊ ज्यादै खुशी भयो र तलाउको छेउमै पुग्यो।बटुवालाई यति प्यास लागेको थियो कि ऊ आफ्नो शरीरै डुबाएर पानी पिउन चाहन्थ्यो । त्यसैले उस्ले छेउबाटै पानी नपिएर तलाउभित्रै पस्यो । छेउमै पनि तलाउ धेरै गहिरो थियो । त्यसैले ऊ ह्वात्तै पानीभित्र पस्यो । अलिअलि मात्र पौडन जान्ने बटुवा तलाउको वीचसम्म त जसोतसो पुग्यो तर किनार भेट्न सकेन।

प्यास मेटाउने तिब्र चाहनाले उस्को प्यास त मेटियो तर पुरै जीवन खतरामा पर्यो।

पुष्पा नेपाल(सुवेदी)
इलाम


सम्बन्धित शीर्षकहरु

काठमाडौं । भूमिहीन दलित, भूमिहीन सुकुम्बासी तथा अव्यवस्थित बसोबासीको समस्या समाधान गर्ने अभियानअन्तर्गत सरकारले पाँचवटा स्थानीय तहलाई भूमिहीन समस्यामुक्त पालिका…

१८ नोभेम्बर २०२६ | मध्यपूर्व / मध्यपूर्वमा अमेरिका र इरानबीचको सैन्य तनाव थप चर्किएको छ। इरानको केश्म टापुस्थित क्षेप्यास्त्र प्रक्षेपण…

-गोबिन्द राज ओझा (राजन ) अनन्त आकाशबीच चम्किने ताराका ज्योति हौँ हामी सबै, प्रकृतिका कणकणभित्र लुकेको चेतनाका मोती हौँ हामी…

प्रतिकृयाहरू
...