गजल
अर्कान : १२२२.२१२-१२२२.२१२
बहर: मुजारे महजुफ
काफिया:अन/अन्
रदिफ : कुनै
उनी बोल्दा लाग्दथ्यो गरौँ आन्दोलन कुनै ।
जिताएथ्यौँ भोटले मिल्यो आश्वासन कुनै ।।
गरे शासन देशमा फिरे आफ्नै भेषमा
न हाम्रो भो मानितो न भो अवलोकन कुनै ।
कमाएका छन् उनै रमाएका छन् उतै
मुसो भण्डारे हुँदा टिकेनन् शासन कुनै ।
लुटे जाली छल गरी फुटे आफू कल गरी
सुनायौ बेथा कथा फुकेनन् बन्धन कुनै ।
अझै आऊ भन्दछन् विरोधी भै मार्गमा
लिई आशा साथमा भुली उत्पीडन कुनै ।
-मीरा ज्ञवाली
बुटवल, लुम्बिनी प्रदेश ।
