Tuesday 17th November 2026

कविताः मुल्य र मान्यता – छन्दः देवकोटा प्रिय -हरि शर्मा (गलकोटे कवि)


भाषा र भेष सँस्कृति सबै मानव सभ्यता
सँस्कार अनि चाड र पर्व मूल्य र मान्यता
सन्तान पनि सिकेको राम्रो थपिन्छ भव्यता
देशको भक्ति कदापि छैन माटोमा सिमित ।१।🌷🌺🌼

नियम छैन कानुन छैन हरायो सभ्यता
पुराना कुरा तोडेर फाल्ने यो कस्तो मान्यता
सालिक तोड्ने पुस्तक बाल्ने अनौँठो तरीका
सज्जन सबै रोएका किन परेर बाध्यता ।२।🌷🌺🌼

मुखमा दूध घैँटोमा विष जनले गर्दछ
राष्ट्रको भक्ति माटोमा हैन मुटुमा बस्दछ
स्वदेश बसी कुकर्म गरे देशले सराप्छ
सत्कर्म गरी सबैले जुटी बनाऊँ समाज ।३।🌷🌺🌼

आगामी पुस्ता खै कस्तो बन्छ सँस्कार भाग्दैछ
सभ्यता कुना पसेको देख्दा कहाली लाग्दैछ
भोलिको लागि सोचौँ है हामी जोगाऊँ मान्यता
सिकायो भनी कसैले पनि नलिनू अन्यथा ।४।🌷🌺🌼

दुख्दैछ देश हरायो भेष बढ्दैछ कुकृत्य
भागेर गए पराई भए लक्ष्मी र शारदा
सँस्कृति रोइन् कुनामा बसी हरायो लालित्य
सँस्कार बिना टुहुरो बन्यो भाषा र साहित्य ।५।🌷🌺🌼

लेखेको किन आफूले भनी सोचेमा उत्तम
आफूले यदि नलेखे देखी होला र खतम
सर्जकहरु लेख्नको लागि भनेर नलेखे
देवकोटा बोले उत्तम होला सपनी म देखेँ ।६।🌷🌺🌼

हरि शर्मा 🌷🌺🌼
मिशिगन, अमेरिका ।🌷🙏🌺


सम्बन्धित शीर्षकहरु

जर्मनी, डेनमार्क, अस्ट्रिया, ग्रीस र नेदरल्याण्ड्सले सन् २०२७ देखि रवान्डामा आप्रवासी फिर्ता केन्द्र खोल्ने योजना सार्वजनिक गरेका छन्। यो केन्द्रमा…

अमेरिकी गुप्तचर निकायले इरानले अमेरिकी भूमिमै ठूलो आक्रमण गर्न सक्ने सम्भावनाबारे नयाँ सूचना प्राप्त गरेको जनाएको छ। उक्त सूचनाअनुसार इरानले…

आधुनिक भौतिक विज्ञानका केही महत्त्वपूर्ण खोजले ब्रह्माण्डको उत्पत्ति र अस्तित्वबारे नयाँ दार्शनिक प्रश्नहरू जन्माएका छन्। के ब्रह्माण्डमा देखिने असाधारण गणितीय…

प्रतिकृयाहरू
...