Sunday 22nd November 2026

उपत्यकामा निषेधाज्ञा अलिकित खुकुलो गरि भाद्र २४ गते सम्मका लागि लम्बियो


तितोपाटी – विश्वव्यापी महामारिको रूपमा हलचल मच्चाइरहेको कोभिड-19 संक्रमणको जोखिम कायमै रहे पछि राजधानी उपत्यकामा निषेधाज्ञा अलि खुकुले गर्ने गरि थप एक साताका लागि बढाइएको छ । काठमाडौं, भक्तपुर र ललितपुरका प्रमुख जिल्ला अधिकारी (प्रजिअ)को संयुक्त बैठकले उपत्यकामा कोरोना संक्रमणको जोखिम अझै उच्च रहेको भन्दै भदौ २४ गते मध्यराती सम्मका लागि निषेधाज्ञा बढाएको हो । यस अघि भाद्र ३ गते एक हप्ताको लागि जारी निषेधाज्ञा भाद्र १० गते पुनः एक हप्ताको लागि लम्ब्याइएको थियो ।

एक साताका लागि थप गरिएको निषेधाज्ञालाई भने केही खुकुलो बनाइएको छ । जारी विज्ञप्तिका अनुसार अत्यावस्यक उपभोग्य बस्तुको बिक्री वितरण गर्न बिहान ११ बजे सम्म खोल्न पाइनेछ । यस अघि यस्तो सेवा बिहान सवा ९ बजे सम्म मात्र खोल्नु अनुमति दिइएको थियो ।

अत्यावश्यक कामबाहेक घरबाट कोही निस्कने पाउने छैनन्। यद्यपि अत्यावश्यक काममै पनि १२ वर्षमुनी, ६० वर्षमाथि र जुनसुकै उमेरका भए पनि दीर्घ रोगीलाई घरबाहिर निस्कन निषेध गरिएको छ।

त्यसै गरि उपभोग्य बस्तुहो होम डेलिभरी सेवा पनि संचालन गर्न दिइने भएको छ तर त्यस्तो सेवा दिने ब्यक्तिहरू पीसीअार परीक्षण गरि रिपोर्ट नेगेटिभ अाएको ब्यक्तिले मात्र सेवा दिन सकिने तर त्यसका लागि मापदण्ड तयार भए पछि मात्रै सो सेवा संचालन गर्न दिइने भएको छ ।

निर्माण सामाग्रीसँग सम्बन्धित हार्डवेयर पसल दिउँसो २ बजेदेखि राति ९ बजेसम्म खोल्न दिइने छ । आवश्यक स्वास्थ्य मापदण्ड पालना गरेर अनलाईन कक्षा सञ्चालन गर्न पनि दिइने छ । विदेशबाट पीसीआर परीक्षण नगरी आएकालाई यही परीक्षण गर्न दिने गरी नेपाल आउन अनुमति दिइने छ । त्यस्तै राष्ट्रिय गौरवका आयोजना र अत्यावश्यक निर्माणका काम पनि स्वास्थ्य मापदण्ड पालना गरेर अघि बढाउन सकिने छ ।

जारी आदेशहरूः


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...