Wednesday 26th June 2024

संस्कृति – लोक छन्द: झ्याउरे -हरि शर्मा (गलकोटे कवि)


सप्तर्षि पूजा परेको आज नेपाली समाज।
संस्कृति हाम्रो अत्यन्तै राम्रो देश र बिदेश।
ॠषिको पूजा सबैले गर्छन् नेपाली नारीले।
हातमा चुरा ब्लाउज माथि सजिई साडिले।१।

बशिष्ठ अतृ गौतम पनि यसमा संगम।
भारद्वाज र बिश्वामित्रको पवित्र मिलन।
जमदग्नि र कश्यप गरी सातको गणना।
अरुन्धतिको पतिब्रता त्यो बेहोरा उत्तम।२।

कसैले अर्को रुपमा राखी गणना गर्दछन्।
मरीचि अतृ अङ्गिरा क्रतु पुलस्त्य बशिष्ठ।
पुलह गरी सातको नाम मानिन्छ बिशिष्ट।
जसरी नाम पुकारे पनि भक्तको हो इक्षा ।३।

सन्तान हामी ऋषिका हामी गोत्रले जोडिन्छ।
त्यसैमा भिन्न हजुर हाम्रो बाटो नै मोडिन्छ।
तृकाल दर्शी जगत काँप्यो ऋषिको तेजले।
आचार छैन हजुर हाम्रो टेर्दैन मुसाले ।४।

तपस्या भन्ने साधना साथ गरेको काम हो।
लक्षमा पुग्न गरेको काम सफल पार्नु हो।
धैर्यता छैन आजको युग गर्दछ चटारो।
नरोप्दै बिउ भित्र्याऊँ बाली भनेर लठारो ।५।

हरि शर्मा म
गलकोटे कवि म
मिशिगनमा


सम्बन्धित शीर्षकहरु

चन्द्रमामा पहिला अन्वेषण नगरिएको पृष्ठभागबाट माटो र पत्थरका दुर्लभ नमुनाहरू सङ्कलन गरेर चिनियाँ अन्तरिक्षयान 'चाङ्ग‍-अ सिक्स' पृथ्वीमा फर्किएको छ। 'चाङ्ग‍'अ…

आफूलाई तपस्वी दाबी गर्दै आएका रामबहादुर बम्जन बालयौन दुराचारमा दोषी ठहर भएका छन् । जिल्ला अदालत सर्लाहीले सोमबार बम्जनलाई दोषी…

पुष्कर अथक रेग्मी - नमस्ते आधुनिक लघुकथा मञ्चको छैठौं वार्षिकोत्सबको अवसरमा दोस्रो दिन मञ्चको वालमा लघुकथाकार लक्ष्मण अर्यालद्वारा लिखित एवं…

प्रतिकृयाहरू
...