जापानको ओसाकास्थित अस्पतालमा गम्भीर मुटुरोगबाट पीडित ५० वर्षीया महिलाको iPS स्टेम सेलबाट तयार गरिएको मुटुको मांसपेशी प्रयोग गरी विश्वकै पहिलो सफल शल्यक्रिया गरिएको छ। शल्यक्रियामा मुटुको बाहिरी भागमा तीनवटा विशेष मांसपेशीयुक्त तह राखिएको थियो, जसले मुटुको कार्यक्षमता सुधार गर्न सहयोग गर्ने चिकित्सकहरूको विश्वास छ।
हृदय प्रत्यारोपणका लागि दाताको अभाव भइरहेका बेला यो प्रविधिलाई मुटुरोगीका लागि नयाँ आशाको रूपमा हेरिएको छ। जापानको स्वास्थ्य बीमा प्रणालीअन्तर्गत रहेको यो उपचारलाई पुनर्जनन चिकित्सा क्षेत्रमा ठूलो उपलब्धिका रूपमा लिइएको छ।
विशेषज्ञहरूले iPS सेल प्रविधिले भविष्यमा अल्जाइमर्स, पार्किन्सन्स र क्यान्सरजस्ता जटिल रोगको उपचारमा पनि महत्वपूर्ण भूमिका खेल्न सक्ने बताएका छन्।
https://newsonjapan.com/article/150903.php
