Sunday 22nd November 2026

बाबु फरार, आमाको मृत्यु, नौ महिने शिशु अस्पतालमा


सिन्धुपाल्चोक– ६ किलो घुम्ति दुर्घटनामा बसका चालक स्वयम् सपरिवार दोलखाको कालिञ्चोक तीथार्टन गएको खुलेको छ।जिल्लाको इन्द्रावती गाउँपालिका–१० का चालक सुमन तामाङ पत्नी सुनिता र झण्डै नौ महिने काखे शिशु (छोरा) लिएर कालिञ्चोक दर्शन गर्न पुगेका थिए।

फर्कँदासुमनले हाँकेको बा२ख ४४६८ नम्बरको बस दुर्घटना भयो। दुर्घटनामा चालक सुमनले पत्नी गुमाए। दुर्घटनामा निधन भएका १५ मध्ये उनकी पत्नि सुनिता एक थिइन्। घटना लगत्तैदेखि सुमन फरार छन्। उनीहरुका काखे शिशु खाडिचौरस्थित सिन्धु सदाबहार अस्पतालको संरक्षणमा छन्।

‘चालक पनि परिवार लिएर कालिञ्चोक गएको, दुर्घटनामा पत्नी गुमाएको सोमबार मात्र पत्ता लाग्यो,’ जिल्ला ट्राफिक प्रहरी कार्यावयका प्रमुख सई राजेश दाहालले भने।दुर्घटनाका घाइतेसँगै शिशुलाई पनि अस्पतालमा लगिएको थियो। उनका अनुसार सुरुमा प्रहरीलाई दुर्घटनाका घाइते र मृतककमध्येकै एकको शिशु भएको लागेको थियो। सदाबहारबाट घाइते रेफर भइसक्दा पनि शिशु कसैले दाबी नगरेपछि प्रहरीले उनका आफन्तको खोजी थालेको थियो।

अलपत्र परेका शिशुको आफन्त खोजी गर्ने क्रममै चालकको पहिचान खुलेको सई दाहालले बताए। ‘पछि मृतक सुनिता चालकको पत्नि भएको खुल्यो,’ उनले भने। उनका अनुसार शिशु तन्दुरुस्त छन्। यति ठूलो दुर्घटनामा उनलाई सामान्य पनि चोटपटक लागेको छैन। उनी अस्पतालका महिला स्वाथ्यकर्मीसँग बसिरहेका छन्।

शिशु र मृतक सुनिताका घर र माइती पक्षका आफन्त प्रहरीसँग टेलिफोन सम्पर्कमा आइसकेका छन्। टेलिफोनमा आउँछु भने पनि शिशुको जिम्मा लिन र मृतकको शव बुझ्न अहिलेसम्म कोही आफन्त नआएको दाहालले जानकारी दिए। मृतक सुनिताको शव बाह्रविसेस्थित प्राथमिक स्वास्थ्य केन्द्रमा छ। दुर्घटनामा धेरैले ज्यान गुमाएकोमा डर र पत्नी गुमाउँदाको शोकले चालक सम्पर्कमा आउन नचाहेको प्रहरीको अनुमान छ।

-नगारिकन्युजबाट


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...