तितोपाटी-आज देश र जनताले जुन असह्य पीडा भोगिरहेको छ, यसको सम्पुर्ण कारण असक्षम, बेईमान र चरित्रहिन शासक हो । सच्चा जनता त सधैं निरीह र निर्दोश हुन्छन् ।
विदेशीको पिठो खाएर नेपाल आमाको छातिमा लात हान्ने ती नेता मात्र होईन ती नेताको पछि लाग्ने र तीनले दिईएको पीठो खाने जनता र कार्यकर्ता पनि देशद्रोही हुन् । लगभग ३० बर्षको अवधिमा देशले जुन अपुरणीय क्षति बेहो¥यो, वास्तवमा उनीहरु माफिका लायक समेत छैनन् l आज यसैको परिणाम हो, नेपालको भु-भाग कालापानी र लिपुलेक भारतले आफ्नो क्षेत्रमा गाभेको । कालापानीमा बस्ने सच्चा नेपाली जनता आफ्नै देशको भुगामा बर्षोदेखि पाईला टेक्न पाईरहेका थिएनन् । भारतको अनुमतिबिना हिड्न त के बोल्नसमेत मनाही थियो ।
हर्दाहेर्दै आज भारतले उक्त क्षेत्र खुप्लुक्क खाईदियो । शासकहरु रातो पुक्लुक्क गाला, ठुलो रोगी पेट बोकेर बालुवाटारमा जनतालाई जोक्स सुनाउदै रमिता हेरेर बसेका छन् । विचरा ति देशको ठेक्का लिने नक्कली मानिसहरु नै दोधारमा छन् । अहिले भारतले आफ्नो भुभागमा गाभेको क्षेत्र नेपालको हो कि भारतको ।यता देशका बुद्धिजीवि भनाउदाहरु, पत्रकारहरु र मिडिया भनेकै हामी मात्र हौ भन्नेहरु अब केपी ओली पछि पुष्पकमल दाहाल (प्रचण्ड) प्रधानमन्त्री होलान् कि नहोलान् ? सहमति अनुसार प्रचण्डलाई प्रधानमन्त्रीको कुर्सी सुम्पेलान् कि नसुम्पेलान् भन्ने विषयमा छलफल गरेर बसेको छन् । फेरि प्रचण्ड, बाबुराम, माधव आदि प्रधानमन्त्री भए के नै नापिन्छ र यो देशमा ?
गलत र बेईमान शासकहरुले गर्दा नेपाली जनता यति निरिह र लाचार भईसकेका छन् कि, विदेश नगई सुख छैन । ईमान्दारपूर्वक काम गर्ने जनता, किसानलाई बिहान बेलुकाको छाक टार्न धौधौ छ । देशको विकराल अवस्थाले गर्दा नेपालीहरुमा धैर्य पुरै गुमिसकेको छ । रातारात मेहनत नगरी कसरी धनी बन्न सकिन्छ, अधिकांश नेपालीहरुको ध्यान त्यतातिर केन्द्रित छ । यसैको अर्को रुप हो विचौलिया । गाउँदेखि शहरसम्म, तराईदेखि हिमालसम्म विचौलियाको विगविगी छ । नेपालमा कसैको दिन छ भने त्यो विचौलियाकै हो ।
आज संसार अर्कै युगमा प्रवेश गरिसकेको छ । अन्य ग्रहहरुमा बस्ति बसाल्ने सम्भावयताको रिसर्च भईरहेको छ । मानिसको ब्रेनले कत्तिसम्म काम गर्न सक्छ र त्यो ब्रेनलाई कसरी भरपुर प्रयोग गर्न सकिन्छ भनेर विभिन्न अध्ययन, अनुसन्धान र अभ्यासहरु भईरहेका छन् ।संसारको सबैभन्दा महत्वपुर्ण चिज भनेको समय हो । हामीसंग भएको एकदमै महत्वपुर्ण र कम समयलाई कसरी सिर्जनात्मक काममा प्रयोग गर्ने, मानव बाट कसरी महामनाव बन्ने भन्ने विषयमा चिन्तन गर्नुपर्ने हो । तर आज नेपालीको दुर्भाग्य, सरकारको, नेताको विरोध गरेर महत्वपुर्ण समय खेर फाल्नुपर्ने स्थिति छ ।
म अत्यन्त व्यस्त छु, कसैको बारेमा टिक्काटिप्णी गर्ने फुर्सद छैन । काम नगरी मेरो घरमा भात पाक्दैन । तर मेरो महत्वपुर्ण समय कटौति गरेर यो लेख लेख्न बाध्य छु । आज म मात्र होईन देशप्रति निस्वार्थ प्रेम गर्ने सम्पुर्ण नेपालीको बाध्यता हो ।लेखक प्रदिप धामी हिमाल अनलाईन टिभीका पत्रकार हुन्
