Saturday 21st November 2026

वैदेशिक रोजगारीका लागि युरोप उत्तम


तितोपाटी- गुणस्तरीय वैदेशिक रोजगारीका लागि सरकारले युरोपियन मुलुकको तयारी गरेको छ । कामदारको सुरक्षा, सुविधा र पारिश्रमिकलाई मध्यनजर गर्दै सरकारले उत्तम गन्तव्यका रूपमा युरोपियन मुलुकहरूलाई प्राथमिकतामा राखेको छ ।

श्रम, रोजगारी तथा सामाजिक सुरक्षा मन्त्रालयका अनुसार केही युरोपियन मुलुकसँग कूटनीतिक छलफल भएको छ । हाल नेपालले विभिन्न ११० मुलुकमा वैदेशिक रोजगारी खुला गरेको छ । त्यसमध्ये हाल इराक, लिबिया र अफगानिस्तानलाई बन्द गरिएको छ । अफगानिस्तानमा निश्चित क्षेत्रका लागि भने खुला छ । त्यस्तै विभागले ९ मुलुकसँग वैदेशिक रोजगारीका लागि श्रम सम्झौता गरेको छ । तर, सुरक्षा, सुविधा र पारिश्रमिकको दृष्टिकोणले खाडी मुलुक अत्यन्तै जोखिम भएको मन्त्रालयको ठम्याइ छ । त्यसैले यसको विकल्प र गुणस्तरीय रोजगारीको सरकारले खोजी गरेको छ ।

सरकारले जेनेभामा भएको बैठकमा पोचुर्गल, टर्कीलगायतका अन्य मुलुकसँग छलफल भएको मन्त्रालयले बताएको छ । मन्त्रालयले कूटनीति तहबाट छलफल पनि अगाडि बढाएको छ । श्रम, रोजगार तथा सामाजिक सुरक्षा मन्त्रालयले नेपालका लागि युरोपियन र उत्तर अमेरिकी मुलुकमा श्रम बजारको ठूलो सम्भावना रहेको बताएको छ । यी मुलुकहरू विकासतर्फ उन्मुख भइरहेकाले श्रमिकको माग बढ्दै गएको श्रम, रोजगार तथा सामाजिक सुरक्षा मन्त्रालयका वैदेशिक रोजगार विभागका सहसचिव दीपक ढकालले बताए ।

‘यी मुलुकमा हामीले सम्बन्ध विस्तार गर्न सक्यौँ भने खाडीका लागि उचित विकल्प हुनेछ,’ उनले भने । अहिले युरोपियन, उत्तर अमेरिकी, अफ्रिका र अस्ट्रेलियालगायतका मुलुक नेपालका लागि श्रम बजारको बढी सम्भावना भएको मुलुक हो । त्यस्तै, न्युजिल्यान्ड, क्यानडालगायतका मुलुकमा छोटो अवधिका लागि श्रमिकको माग हुने गरेको उनले बताए । ढकालका अनुसार चीन पनि बढी सम्भावना भएको नजिकको मुलुक हो  ।
साभार नयाँपत्रिका


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...