फैलियोस् नव शान्ति यो मुलुकमा, मेटिऊन् सबै क्रन्दन,
हाँसून् सुन्दर पाखा-पर्वत यहाँ, बनून् सबै बन्धन।
डाँफे-गायन घन्कियोस् थुम्कामा, फुलोस् नयाँ लालिमा,
पखालीकन आँसुका कण सबै, चम्कोस् महाकालीमा।
फुलोस् लालीगुराँस यो वनभरि, गच्छन् नयाँ पालुवा,
मिलेरै हसिली बनाऊँ धारा, हाँसून् बालुवा बालुवा।
हिमालै मुस्कुराओस् स्वच्छ बनेर, बगोस् नदी कञ्चन,
सारा भ्रातृभाव जागृत बनोस्, मेटिऊन् तुच्छ सिञ्चन।
सम्झेरै इतिहासका पलहरू, गाऔँ एकताका स्वर,
हाम्रा वीर पुरुषका आदर्शले, हटोस् अँध्यारो डर।
माताको ममता सदैभरि रहोस्, जोगाऊँ आफ्नै थलो,
सत्यैको जगमा खडा बनौँ सधैँ, बनोस् सबैको भलो।
शान्तिले भरियोस् यो मेरो देश, चम्किऊन् हाम्रा तारा,
नेपाली मन एक भई बसून्, सुखी बनून् जन सारा।
-गोबिन्द राज ओझा (राजन)
