रसुवाको भोटेकोसी नदी हुँदै त्रिशुली नदीमा आएको भीषण बाढीमा परी मृत्यु हुनेको संख्या ९०३ पुगेको छ। राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार सोमबार बिहानसम्म चितवनसहित विभिन्न जिल्लाबाट शव फेला परेका छन्, जसमा सबैभन्दा धेरै चितवनमा २७२ शव भेटिएका छन्।
बाढीपछि ४,२४७ जना अझै सम्पर्कविहीन छन्। उनीहरूमध्ये सुरक्षाकर्मी, सरकारी कर्मचारी, जलविद्युत् आयोजनाका कर्मचारी तथा ५९२ विदेशी नागरिक रहेका छन्। विदेशी पर्यटकसँग गएका १२७ नेपाली नागरिक पनि सम्पर्कविहीन छन्।
हालसम्म प्रभावित क्षेत्रबाट १०,४५१ जनाको उद्धार गरिएको छ भने २६७ जना घाइते भएका छन्। घाइतेमध्ये १६५ जना उपचारपछि डिस्चार्ज भइसकेका छन्।
उद्धार तथा राहत कार्यका लागि २० हजारभन्दा बढी सुरक्षाकर्मी परिचालन गरिएको छ। भदौ १० गते आएको बाढीले रसुवा, नुवाकोटलगायत जिल्लामा ठूलो जनधनको क्षति पुर्याएको छ।
