नेपाली राष्ट्रिय महिला फुटबल टोलीले इरान, नेपाल र भारत बिचको त्रिदेशीय फुटबल प्रतियोगितामा भारतीय टिमलाइ २-१ ले हराएको छ । सोमबार सिलोङस्थित जवाहरलाल नेहरु रंगशालामा सम्पन्न खेलमा नेपाललाई जित दिलाउन टिम कप्तान सावित्रा भण्डारी “साम्बा”ले भारत विरूद्ध २ गोल गरेर नेपालले जित निकालेको हो ।
खेल शुरू भएको २ मिनेटमै “साम्बा”ले नेपालको तर्फबाट गोल गर्दै नेपाललाइ अग्रता दिलाएकीमा पुनः साम्बले नै ६३ अाैं मिनेटमा दोश्रो गोल गरेपछि भारतलाइ हराउन नेपाल सफल भएको हो । भारतकी करिष्मा पुरूषोत्तम सिभाल्करले ८१ अाैं मिनेटमा १ गोल मात्रै फर्काउन सफल भइन्
यो जितसँगै नेपाल त्रिदेशीय प्रतियोगिताको उप–विजेता बनेको छ । नेपालले पहिलो खेलमा इरानसँग ३–० को हार बेहोरेको थियो । पहिलो खेलमा इरानसँग २–० ले हारेको भारतले कुनै पनि अंक जोड्न सकेन ।
