Wednesday 24th July 2024

अरब टाईम्स मा हाम्रा राजदुत


आज प्रकाशित अरब टाईम्समा कुवेत स्थित नेपाली राजदुतको भनाई उदृत गर्दै समाचार प्रकाशित भएको छ । उक्त समाचार केही दिन अघि नेपाली दुतावासले होटल क्राउन प्लाजामा आयोजना एक कार्यक्रमको सन्र्दभमा राजदुतले दिएका अभिव्याक्ति हुन ।

नेपाल सरकारका राजदुतहरुले प्राय विदेशमा रहेर गर्ने कुराहरुमा मेनपावर उपलब्ध गराउने कुरा साझा अभिव्याक्ति का रुपमा रहेको पाईन्छ । त्यसमा पनि उनीहरु नेपाल बाट दक्ष कामदार अझ डाक्टर र नर्स दिने कुरा गर्दछन तर पत्याई दियोस कसले ? नेपालमा नै डाक्टर र नर्सको हाँहाकार भईरहेको बेला कहाँबाट ल्याएर दिने हुन त्यो उप्परवाला जानोस । विगतमा बेलायत ले नर्स को माग गर्दा माग गरिएको कोटा बराबरको आवदेन नपरेको र परेकाहरु पनि भाषिक ज्ञानको अभावमा छनौटमा नपरेको घटना ताजै छ । हिजो का दिन मा कुवेतमा काम गरेर फर्किएका सवै राजदुतले यसै भन्ने गरेका थिए तर दुतावास स्थापनाको १५ बर्ष सम्ममा पनि उनीहरुको कुरा कसैले पत्याई दिएनन वा सुनेनन । सवै ले बोल्ने गरेको होटल पनि त्यही हो ।

राजदुतको भनाई जस्ताको तस्तै

कुवेत सिटी,: कुवेतका लागि नेपाली राजदूत घानश्याम लम्साले आफ्नो देशले अहिले आफ्नो देशबाट डाक्टर र नर्सलगायत दक्ष कामदार भर्ना गर्ने विषयमा कुवेतसँग वार्ता गरिरहेको खुलासा गर्नुभएको छ । लगानीका उपलब्ध अवसरहरू प्रस्तुत गर्न नेपाली दूतावासले आयोजना गरेको कार्यक्रममा बोल्दै; लम्सालले कुवेतमा झण्डै एक लाख नेपाली कार्यरत रहेको र धेरै नेपाली नर्सहरू निजी अस्पतालमा कार्यरत रहेको बताए ।

नेपाल र कुवेतबीच, कुवेत एयरवेज र जजिरा एयरवेजले दुईवटा सिधा उडान गरिरहेको उनले बताए । २०२३ मा झन्डै एक हजार कुवेतीले आफ्नो देश भ्रमण गरेको जनाउँदै कुवेतले अनलाइनबाट नेपाल प्रवेश गर्न वा नेपाल अन्तर्राष्ट्रिय विमानस्थलमा आइपुगेपछि भिसा लिन सक्ने उनले बताए। हाल आफ्नो देश र कुवेतबीचको व्यापारिक आदानप्रदान न्यून रहेको पनि उनले बताए। नेपालमा उपलब्ध गलैंचा, खाद्यान्न, कृषि उत्पादन, पर्यटन, प्रविधि र ऊर्जा जस्ता लगानीका अवसरहरू प्रकाश पार्दै उनले आफ्नो देशले फ्री रेमिट्यान्स र मनी ट्रान्सफर लगायतका विदेशी लगानी अभिवृद्धि गर्ने सुविधा उपलब्ध गराएको बताए ।


सम्बन्धित शीर्षकहरु

गएको शुक्रबार माइक्रोसफ्टद्वारा सञ्चालित कम्प्युटर प्रणालीमा भएको गडबडीको कारण सारा विश्व चिन्तित भएको बेला चीनमा सबै कुरा राम्ररी चलिरहेको थियो…

हालै अमेरिका र वेस्ट इन्डिजमा सम्पन्न टी–२० विश्वकपमा ठुलो घाटा भएपछि अन्तर्राष्ट्रिय क्रिकेट काउन्सिल (आईसीसी) ले तीन सदस्यीय समिती गठन…

डेमोक्रेट पार्टीबाट राष्ट्रपतिको उम्मेदवार बन्ने दौडमा रहेको कमला ह्यारिसलाई १९३ डेमोक्रेट सांसदको समर्थन पाएकी छन् । राष्ट्रपति जो बाइडेन २०२४…

प्रतिकृयाहरू
...