Saturday 21st November 2026

रमादानको पहिलो दिन दुर्घटनामा परेर दुई नेपाली सहित ५ जनाको मृत्यु


रमादानको पहिलो दिन दुर्घटनामा परेर दुई नेपाली सहित ५ जनाको मृत्यु भएको छ । अरब टाईम्सका अनुसार उनीहरुलाई माहवुल्ला क्षेत्रमा एक कुवेतीको कारले ठक्कर दिएको थियो ।
माहबुल्ला अगाडिको कोस्टल रोडमा कुवेती नागरिकले चलाएको कारले २ नेपाली र एक अपरिचित पुरुष गरी तीनजनालाई ठक्कर दिँदा उनीहरुको मृत्यु भएको हो । गृहमन्त्रालयको अपरेशन रुमले दुर्घटनाको जानकारी पाएपछि सुरक्षाकर्मी र स्वास्थ्यकर्मीले घटनास्थलमा पुगेर मृतकको शवलाई फरेन्सिक मेडिसिन विभागमा रिफर गरेका थिए ।

यसैबीच सुबिया रोडमा कारले ठक्कर दिँदा एक कुवेती नागरिकको मृत्यु भएको छ । उनको शवलाई फरेन्सिक मेडिसिन विभागमा लगिएको थियो र मुद्दा दर्ता गरिएको थियो। त्यस्तै, सुबिया रोडमा अर्को गाडीसँग ठोक्किँदा एक अफगान प्रवासीको मृत्यु भएको छ । उनलाई गाडीको भग्नावशेषबाट निकालियो र उनको शव फोरेन्सिक मेडिसिनमा पठाइएको थियो। यी सवै दुर्घटनाको मुद्धा दर्ता गरिएको र आवश्यक अनुसन्धान भईरहेको जनाईएको छ ।

दुर्घटनामा मृत्यु हुने नेपाली को थिए तिनको विवरण भने खुल्न बाकी नै छ ।


सम्बन्धित शीर्षकहरु

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

काभ्रे, मंसिर ३। काभ्रे जिल्लाको एक रिसोर्टबाट ३५ जापानीसहित ४० जना विदेशी नागरिकलाई प्रहरीले नियन्त्रणमा लिएको छ। दुई दिनभित्र काभ्रेका…

प्रतिकृयाहरू
...