टर्कीमा सोमबार बिहान ७.८ म्याग्निच्युडको शक्तिशाली भूकम्प गएको छ । दक्षिण-पूर्वी टर्कीको गाजियान्टापमा बिहान ४ बजेर १७ मिनेटमा शक्तिशाली भूकम्प गएको अमेरिकाको जियोलोजिकल सर्भेले जनाएको छ ।
सिरियासँगको सीमा नजिकै शक्तिशाली भूकम्पमा परी कम्तीमा ५३ जनाको मृत्यु भएको छ भने १३० भन्दा बढी भवनहरू भत्किएका अधिकारीहरूले बताएका छन्।
सिरियाली स्वास्थ्य मन्त्रालयले मृत्यु हुनेको सङ्ख्या ४२ पुगेको र भूकम्पमा परी २०० जना घाइते भएको राज्यको समाचार एजेन्सी सानाले जनाएको छ।
सिरियन अमेरिकन मेडिकल सोसाइटी (साम्स) ले टर्कीसँग सीमा जोडिएको उत्तर-पूर्वी सिरियाका अस्पतालहरू “घायल मानिसहरूले भरिएको” बताएको छ।
