तितोपाटी-कुवेतमा केहि दिन देखि निक्कै चर्चामा रहेको गैर आवासीय नेपाली संघ राष्ट्रिय समन्वय परिषद NRNA-NCC समानान्तर विवाद अन्त्यमा दुई पक्षिय छलफल पछि तत्कालका लागि टुंगिएको छ । यो हप्ता कुवेतमा पनि एनआरएनए शेष घले समुहले छुट्टै समिति बनाएको र त्यसको नेतृत्व युवक राईले गरेको समाचार सामाजिक संजाल रंगिएको थियो । पछिल्लोपटक केन्द्रमा तिन अध्यक्ष रहेको एनआरएनए कुवेतमा रणध्वज लामाको नेतृत्वमा क्रियाशील रहेकोमा एकाएक युवक राईको नेतृत्वमा घले समुहको नयाँ एनआरएनए कुवेतमा पनि गठन भएको भन्दै बधाई र शुभकामना सहित सामाजिक संजाल तातेको थियो।
त्यसपछि दुवै पक्षिय तारन्तारको प्रयास, छलफल, भेटघाट पछि शुक्रबार फर्वानिया पार्कमा बर्तमान कुवेतको नेतृत्व गरिरहेका रणध्वज लामा र युवक राईले संयुक्त हस्ताक्षर् गर्दै बिज्ञप्ति सार्वजनिक गरेका छन । जसमा भनिएको छ- एनआरएनए केन्द्र सम्बन्धि बिबाद पररास्ट्र र अदालतमा बिचारधीन रहेको हुदा तत्कालका लागि मौजुदा कार्य समितिलाई सबैले स्वीकार्ने गरि टुंगिएको छ ।
उक्त बिज्ञप्ति हस्ताक्षर् सार्वजनिक बखत एनआरएनए कुवेतका संरक्षक अर्जुन तामाङ्ग, मध्येपुर्व महिला संयोजक सुमित्रादेवी पौडेल र सल्लाहाकारहरु लोमस बास्तोला, आनन्द आचार्य र घले समुहका केन्द्रिय उपाध्यक्ष उमेश पुडासैनी सहितको उपस्थित रहेको बुझिएको छ
हेर्नुहोस दुई पक्षिय रणध्वज लामा र युवक राईद्वारा हस्ताक्षरित् सार्वजनिक बिज्ञप्ति
नेपाली श्रमिकहरुको अविभावक नेपाली दूतावास कुवैत , क्रीयाशिल विभिन्न संघ संस्थाहरु,पत्रकार महासंघ एवं सञ्चार गृहहरु साथै तमाम कुवेतमा श्रम गरिरहनुहुने दाजुभाइ तथा दिदिबहिनिहरु!
गैर आवासीय नेपाली संघ राष्ट्रिय समन्वय परिषद NRNA-NCC कुवैत को हकमा मौजुता कार्य समितिलाई नै सर्ब स्विकार्य गर्ने सर्व सम्मत निर्नय गर्दै कुवैतमा एउटा मात्रै राष्ट्रिय समन्वय परिषद NRNA-NCC रहेको सार्बजानिक निर्णय गरियो ।
बिस्तृतमा सार्बजानिक बिज्ञप्ति सहित ।
धन्यवाद सम्पुर्णमा 🙏
अध्यक्ष
रण ध्वज लामा
गैर आवासिय नेपाली संघ कुवेत।
केहिदिन पहिला एनआरएनए कुवेत गठन भएको भन्दै युवक राईलाई दिइएको बधाई एबम शुभकामना
केहिदिन पहिला एनआरएनए कुवेतका अध्यक्ष रण ध्वज लामा र महासचिब दिल कुमार पाख्रिनद्वारा जारी बिज्ञप्ति
