तीतोपाटी डटकम-कुवेत एयरवेजले कुवेतबाट त्रिभुवन अन्तर्राष्ट्रिय विमानस्थल(काठमाडौं) सम्म आफ्नो सिधा उडान गरेको छ। कुवेत एयरलाइन्सले ३० अक्टोबर २०२२ राति १०:५५ बजे आफ्नो पहिलो उडान गरेको हो। उडान KU391 ३१ अक्टोबर २०२२ मा बिहान ६:१० बजे (स्थानीय समय) काठमाडौंमा अवतरण गरेको थियो ।
कुवेत एयरवेजले हप्तामा मंगलबार, बुधबार, बिहीबार र आइतबार चार उडान गर्ने छ । यो उडान कुवेत अन्तर्राष्ट्रिय विमानस्थलको टर्मिनल ४ बाट हुनेछ।
कुवेत एयरवेजको सेवा थपिएपछि कुवेतबाट काठमाडौंका लागि तीनवटा सिधा उडान हुनेछन् । जजिरा र हिमालय एयरलाइन्सले काठमाडौं–कुवेत सिटी रुटमा सिधा उडान सेवा दिइरहेका छन् ।
