Thursday 19th November 2026

कविताः दुर्गा ! म तिम्रो बनें (शार्दूलविक्रीडित छन्द) -दुर्गा निराैला


दुर्गा दर्शनबाट आज कविको उत्साहको थालनी
पाएको करुणा छु दीप्त सुखको साहित्य उच्छाल नि
लेख्ने ग्रन्थ महत्वमा शशिकला बन्ने भए नायिका
लेखौंला शुभ गीत प्रेमरसका साँच्चै बने गायिका ।।१।।

आजैबाट हुनेछ भिन्न अानन्द यो सत्कार गर्छौ भने
आँखामा ममता उजागर गरी संस्कार भर्छौ भने
के के छन् मनका भने सब कुरा औतार हौ मोहिनी
सेना बन्छ तयार शब्द बलले नौलाख अक्षौहिणी ।।२।।

गर्ने पूजन प्रेम याग सजिलो बन्नेछ सर्वोत्तम
हान्दा चड्कन गालमा दिनदिनै पार्दै गयौ रन्थन
तिम्रो ध्यान गरेर बस्छु तपमा आदेशको माफिक
चोखो प्रेम चढाउनेछु पदमा नाचेर सर्वाधिक ।।३।।

गर्छौ पालन प्रेमले अचम यो पाल्नेछु भन्छौ भने
त्यागी लाज सबै म हाजिर बनें माया अँगाल्छौ भने
तान्दा चुम्बकले फलाम जसरी घस्रेर आयौ भने
सच्चा बन्धन प्रेम भित्र म पसेँ साँच्चै रमायौ भने।।४।।

लेख्ने हो अब प्रेमपत्र रसिलो ढाँचा सिकायौ भने
देख्ने हो परिवार भित्र अब छौ इच्छा टिकायौ भने
भन्ने के र बढी छ सोच क्षमता माला भिरायौ भने
भन्दा हुन्छ भने म भन्छु अहिले दुर्गा म तिम्रो बनें।।५।।

🙏🙏🙏🙏दुर्गा निराैला


सम्बन्धित शीर्षकहरु

काठमाडौं । भूमिहीन दलित, भूमिहीन सुकुम्बासी तथा अव्यवस्थित बसोबासीको समस्या समाधान गर्ने अभियानअन्तर्गत सरकारले पाँचवटा स्थानीय तहलाई भूमिहीन समस्यामुक्त पालिका…

१८ नोभेम्बर २०२६ | मध्यपूर्व / मध्यपूर्वमा अमेरिका र इरानबीचको सैन्य तनाव थप चर्किएको छ। इरानको केश्म टापुस्थित क्षेप्यास्त्र प्रक्षेपण…

-गोबिन्द राज ओझा (राजन ) अनन्त आकाशबीच चम्किने ताराका ज्योति हौँ हामी सबै, प्रकृतिका कणकणभित्र लुकेको चेतनाका मोती हौँ हामी…

प्रतिकृयाहरू
...