बाना अमेरिकाको अध्यक्ष पदमा पुन सुवोध पन्त विजयी भएका छन् । साथै पन्त समूहका लगभग सबै उम्मेदवारहरू विजयी हुन् सफल भएका छन् । अमेरिकाको बाल्टिमोरमा स्थापित प्रतिष्ठित गैरनाफामूलक सामाजिक संस्था बाल्टिमोर एसोसिएसन अफ नेपलिज इन अमेरिका (बाना) मा गत अप्रिल ३ मा सम्पन्न निर्वाचनमा २०२२–२०२५ को लागि सुबोध पन्त समूहबाट उम्मेदवारी दिएकाहरुमध्ये वरिष्ठ उपाध्यक्ष पदमा हिरा गुरुङको पक्षबाट लक्ष्मी भारती बाहेक सबै पन्तका समूहका उमेद्वारहरु विजयी भएका छन् ।
पन्तका तर्फका वरिष्ठ उपाध्यक्षका उम्मेदवार अनिल गोदार पराजित भएका छन् । सुबोध पन्त दोश्रो कार्यकालका लागि पुन विजयी भएका हुन् । २०२२–२०२५ को लागि निर्वाचन हुने पदाधिकारीहरूमा क्रमश ः अध्यक्ष पदमा सुवोध विलास पन्त ,वरिष्ठ उपाध्यक्ष पदमा लक्ष्मी भारती , महासचिवमा सागर घिमिरे , कोषाध्यक्षमा पार्वती सिंह ऋचा विजयी भएका छन् । यसैगरी कार्यकारी समितिको सदस्यहरूमा क्रमश : बसन्त बस्नेत ,भुपेन्द्र गुरुङ, इशा गुरुङ, खिम बहादुर मश्रांगी, सन्तोष घिमिरे ,सरु विश्वकर्मा, श्याम कृष्ण कोइराला र यमुना घिमिरे विजयी भएका छन् ।
