Saturday 21st November 2026

एनआरएनए १०औं विश्व सम्मेलन अक्टोबर २३ देखी २५ सम्म काठमाडौंमा


तितोपाटी- गैरआवासीय नेपाली संघ (एनआरएनए) को १० औं विश्व सम्मेलन आगामी अक्टोवर तेस्रो सातामा हुने भएको छ। गैरआवासीय नेपाली संघका प्रवक्ता डिबी क्षेत्रीका अनुसार संघको शनिवार सम्पन्न ७८ औँ अन्तर्राष्ट्रिय समन्वय परिषद्को बैठकले सो सम्मेलन अक्टोबर २३ देखी २५ सम्म काठमाडौंमा गर्ने निर्णय गरेको हो।

बैठकले सो सम्मेलन सम्पन्न गर्न अध्यक्ष कुमार पन्तको संयोजकत्वमा आयोजक समिति गठन गर्ने निर्णय समेत गरेको छ। संघले आगामी अक्टोवरमा हुने नयां नेतृत्वको निर्वाचन अनलाईन प्रणालीबाट गर्ने निर्णय गरेको छ। बैठकले संघको महाधिवेशन प्रतिनिधी शुल्क समेत शुन्य कायम गर्ने निर्णय गरेको छ। यसअघि संघको केन्द्रिय महाधिवेशन दर्ता शुल्क प्रतिव्यक्ति २ सय डलर थियो।

बैठकले गैरआवासीय नेपाली संघको निर्वाचन सम्बन्धि नियमावली, एनआरएन फाउण्डेसन, आर्थिक नियमावली लगायतका विभिन्न १९ नियमावलीहरु संशोधन गरिएको संघले जनाएको छ। बैठकले आर्थिक वर्ष २०७८–२०७९ को बजेट पारित गरेको छ।

नागरिकन्युजबाट


सम्बन्धित शीर्षकहरु

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

काभ्रे, मंसिर ३। काभ्रे जिल्लाको एक रिसोर्टबाट ३५ जापानीसहित ४० जना विदेशी नागरिकलाई प्रहरीले नियन्त्रणमा लिएको छ। दुई दिनभित्र काभ्रेका…

ढाका, नोभेम्बर १९। बंगलादेशमा पूर्वप्रधानमन्त्री शेख हसिनाको स्वदेश फिर्तीको विषयलाई लिएर राजनीतिक तनाव चुलिएको छ। हसिनाको पार्टी अवामी लिगका समर्थकहरू…

प्रतिकृयाहरू
...