Sunday 22nd November 2026

बहराइनमा कागजपत्र नभएका नेपालीलाई पनि कोरोना खोप लगाउन आग्रह


तीतोपाटी डटकम-बहराइनमा कार्यरत नेपाली श्रमिकलाई कोरोना भाइरसविरूद्धको खोप लगाउन दूतावासले आग्रह गरेको छ।बहराइनको मान्मामा रहेको नेपाली दूतावासले यसअघि पनि नेपाली श्रमिकलाई खोप लगाउन आग्रह गरेको थियो। दूतावासको आग्रहपछि उल्लेख्य मात्रामा केही नेपालीले खोप लगाए पनि अझैं बाँकी रहेका छन्।

त्यसैले दूतावासले पुनः अर्को सूचना सार्वजनिक गरेको हो। दूतावासद्धारा जारी नयाँ सूचनामा भनिएको छ, ‘विविध कारणवश अथवा कागजपत्र नहुँदा रजिस्ट्रेशन गर्न असमर्थ हुनुभएका सबै नेपाली दाजुभाई, दिदीबहिनीलाई खोप लगाउन आग्रह गर्दछौं।’
बहराइन सरकारले आफ्नो नागरिक सरह नै यहाँ कार्यरत विदेशी नागरिकलाई पनि निःशुल्क खोप उपलब्ध गराएको छ। केही नेपालीको कागजपत्र नहुँदा उनीहरू खोपका लागि रजिस्ट्रेशन गर्न डराइरहेका छन्। तर, दूतावासले यो विशुद्ध मानवीय कार्य भएको भन्दै सबैलाई खोप लगाउन आग्रह गरेको छ।हालै जारी विज्ञप्तीमा बहराइनको ३ विभिन्न ठाउँबाट खोप उपलब्ध गराइने बताइएको छ।

बहराइन सरकारले आफ्नै देशका नागरिक सरह विदेशी कामदारलाई पनि खोप लगाउन सर्वसुलभ गरेपछि नेपाली राजदूत पदम सुन्दासले यस कार्यको स्वागत गरेका थिए। उनले भनेका थिए,‘सबैलाई आफ्नै नागरिक सरह व्यवहार गरेकोमा बहराइन सरकारलाई धन्यवाद दिन चाहन्छु।’

यहाँ रहेको नेपाली समुदायलाई उत्प्रेरणा मिलोस् भनेर राजदूत सुन्दास आफैले खोपको दुवै डोज लिइसकेका छन्। उनले बहराइनमा रहेका नेपालीलाई ढुक्क भएर खोप लगाउन आग्रह गरेका थिए।

साभार-प्रवास खबर


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...