Sunday 22nd November 2026

नेपालको कोरोना संक्रमण रोकथाम सहयोगार्थ नेपाली राजदूतावास कुवेतको भेटघाट तिब्र


तीतोपाटी – विश्वव्यापी महामारी कोभिड-१९ को दोश्रो लहर नेपालमा पनि फैलन गइ स्थिति दिनानुदिन भयावह बन्दै गएपछि कुवेत स्थित नेपाली राजदूतावास कुवेतले कुवेतका विभिन्न निकायसँग भेटघाट तिब्र बनाएको छ । नेपालमा बढ्दो क्रममा रहेको कोरोना संक्रमणलाइ दृष्टिगत गरि अत्यावश्यक स्वास्थ्य सामाग्री नेपाल पठाउनको लागि दूतावासले यहाँ स्थित परराष्ट्र मन्त्रालय, रेडक्रिसेन्ट सोसाइटी (Red Crescent Socity) कुवेत र सम्बन्धित अन्य विभिन्न निकायसँग कुराकानी र पहल शुरू गरेको दूतावास श्रोतबाट बुझिएको छ ।

यसै क्रममा महामहिम राजदूत दूर्गा प्रसाद भण्डारीले कुवेत स्थित रेडक्रिसेन्ट सोसाइटी (Red Crescent Socity) कुवेतका अध्यक्ष डा. हिलाल अल-सायर सँग भेटवार्ता गरेका छन् । वार्ताको क्रममा महामहिम भण्डारीले एक पवित्र संस्थाको रूपमा रेडक्रिसेन्ट सोसाइटी (Red Crescent Socity) कुवेतले अन्तर्राष्ट्रिय रूपमा गरेका मानविय सेवाका कार्यहरूकाे प्रसंशा गर्दै यति खेर नेपाल पनि कोरोना महामारी बिरूद्ध जुधिरहेकोले यस संकटको समयमा संक्रमण नियन्त्रण गर्नकाे लागि आवश्यक स्वास्थ्य सामाग्रीहरू सहयोग गर्न आग्रह गरेका छन ।

वार्ताको क्रममा रेडक्रिसेन्ट सोसाइटी (Red Crescent Socity) कुवेतका अध्यक्ष डा. हिलाल अल-सायरले विगतमा पनि विभिन्न जटिल रोगबाट पीडित ४० भन्द बढी न्यून आय भएका नेपालीहरूलाइ कुवेतका स्वास्थ्यकर्मीहरूको टोलीले शल्यकृया गरेको स्मरण गर्दै अहिलेको कोरोना महामारीको अबस्थामा पनि रेडक्रिसेन्ट सोसाइटी (Red Crescent Socity) कुवेतले नेपाल रेडक्रस सोसाइटीसँगको समन्वयमा सहयोग गर्न तयार रहेको बताए ।

नेपाली राजदूतावास कुवेतले आवश्यक स्वास्थ्य सामाग्रीको सूचि कुवेतस्थित सम्बन्धित निकायहरूमा पठाइसकेको, कुवेतमा इदको कारण ५ दिन सरकारी विदा भएकोले विदा पछि दूतावासले चाैतर्फी रूपमा कुराकनी भइरहेको जनाएको छ भने आवश्यक स्वास्थ्य सामाग्री प्राप्त हुना साथ छिटो भन्दा छिटो व्यवस्थापन गरि नेपाल पठाइने नेपाली दूतावास श्रोतबाट बुझिएको छ ।

Source: Kuwait News Agency(KUNA)

https://www.kuna.net.kw/ArticleDetails.aspx?id=2978108&Language=en&fbclid=IwAR1dou4StgfSnPKMQ5rL0jDZ2KqyZT5Aw9MQtWGBF20XkR1KP-R7GJN_HFo


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...