गुलाम नवि मन्सुर, सर्लाही – हरिवन नगरपालिकाले कोभिड-१९ का बिरामीका लागि १०० सैयाको अस्पताल र एम्बुलेन्स सेवा सञ्चालनमा ल्याएको छ।पछिल्लो समय नेपालमा कोभिड-१९ दोस्रो स्वरुपले सर्लाही जिल्लामा पनि तीव्र गतिमा फैलिएपछि हरिवन नगरपालिकाले आफ्नै पहलमा अस्पताल र एम्बुलेन्स सञ्चालनमा ल्याएको हो। अस्पतालमा बिरामीलाई अक्सिजनको कमि हुन नदिन नगरपालिकाले अक्सिजन प्रायप्त मात्रामा स्टक राखेको कुरा नगरपालिका प्रशासनले जनाको छ ।
हरिवन नगरपालिकाले आफ्ना नागरिकको जनस्वास्थ्य सुरक्षालाई ध्यानमा राख्दै वडा नम्वर ४ सासापुर स्वास्थ्य चौकीमा अक्सिजनसहितको ४० शैया र नयाँरोडमा रहेको सर्लाही जीवन हस्पिटलमा ६० शैयाको व्यवस्था गरेको छ। हरिवन नगरपालिका को जन- स्वास्थलाई मध्य नजर गर्दै नगरपालिका भित्र विभिन्न संघ सस्थाले निशुल्क- १३वटा एम्बुलेन्स सेवा प्रदान गर्ने तयारी गरेको जनकारी नगर प्रमुख गणेश प्रसाईले दिएका छन् ।
प्रसाइले थपे, कोही कसैले पनि अकालमै ज्यान गुमाउन नपरोस् भनेर उपचारका लागि स्वास्थ्यकर्मी तयारी अवस्था राखिएको र अक्सिजनसहितको भेन्टिलिटर भएको शैयाको पनि व्यवस्था गरिएको छ। नगरपालिका क्षेत्रभित्र बसोबास गर्ने नागरिकहरूमा कोभिड-१९ को संक्रमणको जोखिम कम गर्न नगरपालिका सधैं सजग अवस्थामा रहेको साथै बिरामीको थप उपचारका लागि अन्यत्र लानुपर्ने अवस्था भएमा २४ सै घण्टा अक्सिजन सहितको एम्बुलेन्स सेवाको व्यवस्था गरिएको जानकारी दिए।
