तिम्रो दिलमा बस्नु छ घर देऊ प्यारा ।
मलाई तिम्रो नाम अनि थर देऊ प्यारा ।।
माटोलाई ढुङ्गा भएझैं ढुङ्गालाई माटो
एक यस्तै विस्वासको भर देऊ प्यारा ।
सकीदैन भन्न सङ्गै मरिन्छ बाचिन्छ
जीवनभरी नछुटिने सफर देऊ प्यारा ।
लाग्छ परेली नझिम्काई एकनासै हेरिरहु
यहि मीठो पलको एक नजर देऊ प्यारा ।
तिम्रो मायामा बगिरहु यस्सै गरी सधैंभरी
नदी जस्तो जोवनको लहर देऊ प्यारा ।
-गोमा कुमाल
माथागढी – २ रुप्से, पाल्पा
लुम्बिनी प्रदेश
