लोभ, स्वार्थ, घमण्ड, पाप, एकरती डाहा छैन।
खान लाउन पुगोस् तर अरू कुनै चाहा छैन ।
कैले सुख कैले दुःख, हुँदो रैछ जिन्दगीमा,
कहाँ कति बेला कसलाइ के हुने हो थाहा छैन ।
टल टल गरि सानू टाढै बाट टल्कि दिने,
नम्बरी सुन झैं माया, भित्र कुनै लाहा छैन ।
राम्रो पहुँच, शक्ति, पैसा, भए फटाहा नि पुज्ने,
कलियुगमा राम्रो काम गर्नेलाइ वाह छैन ।
अन्याय र अत्याचारको विरूद्धमा सधैं भरी,
ट्वार ट्वार गरि कराउने यो देशमा पाहा छैन ।
-प्रतिमा शिवाकोटी
कालिन्चोक गाउँपालिका – ८
सुनखानी दोलखा
