दिनदिनै चौतारीमा धाए पनि हुन्न माया ।
लुकीलुकी टाढैबाट आएपनि हुन्न माया ।।
मन पर्छ तिमी भनि जहिले नि सताउँदै
मीठो धुनमा प्रेम गीत गाए पनि हुन्न माया ।
फूल टिपी शिरमा नै सजाउँछु भन्दै अब
देउता भाक्दै बाचा कसम खाए पनि हुन्न माया ।
तनमन समर्पित गरी दिलले दिल छुन
हिरा-मोती उपहार पाए पनि हुन्न माया ।
कल्पनामा दिलकी रानी बनाउँछु भनि सधैँ
राजा हुन राजमुकुट लाए पनि हुन्न माया ।
धर्मिला कार्की
महाराजगंज,काठमाडौँ
