किन फोटो शेयर गर्नु फेसबुकमा
साँचेकी छु तिम्रो माया ढुकढुकीमा
साँचो माया लाउदा प्रचार गर्नै पर्छ र !
अटल विश्वास हाम्रो प्रेम कहाँ त्यसै मर्छ र
बगैचाको फूल पनि नओइलाइ कहाँ झर्छ र!
किन फोटो……………………………….
साँचेकी छु ……………………………….
जिन्दगीको यात्रामा कहिलेकाहीँ लडिएला
लडेपछि उठ्नु है अनि गन्तव्य भेटिएला
डटेर अगाडि नबढे हिमाल कहाँ चढिएला ?
किन फोटो………………………………..
साँचेकी छु………………………………..
दु:ख र सुख घाम छाया हो जिउला मिलीजुली
तरौ जंघार हात समाइ एक अर्कालाई नभुली
भुल्नुपरे एकछिन् तिमीलाई हुन्छु म त लुली
किन फोटो…………………………………
साँचेकी छु…………………………………
सिरसिर हावा चौतारीमा क्या मिठो छ शितल
रानीवनमा सँगसँगै एकजोडी चितल
हाम्रो माया अकबरी सुन हो, हैन नि पितल
किन फोटो…………………………..
साँचेकी छु……………………………
-धर्मिला कार्की
महाराजगन्ज, काठमाडौं
