Thursday 19th November 2026

गजल -धर्मिला कार्की


तिमीसँगै प्रित गाँसी शहरमा डुल्न मन छ ।
मनको भारी बिसाएर पिर ब्यथा भुल्न मन छ ।।

जोडी ढुकुर कुर्लिए झैं वर पिपलको छहारीमा
तिम्रो काखमा निदाएर दायाँबायाँ झुल्न मन छ ।।

तिम्रै नामको मेहेन्दी लगाएर हराभरा भई
त्यो मनको बगैँचामा गुलाफ झैं फुल्न मन छ ।।

बाँच्नु पर्छ हाँसी खुशी दुनिया रंगीन बनाउदै
शरद मासमा बिहानीको आकाश झैं खुल्न मन छ ।।

मनमुटु समर्पित गरें चोखो माया गाँस्नलाई
जिन्दगी नै धितो राखी साँवा ब्याज असुल्न मन छ ।।

-धर्मिला कार्की
इनरुवा-६ , सुनसरी
हाल: महाराजगञ्ज, काठमाडौँ


सम्बन्धित शीर्षकहरु

काठमाडौं । भूमिहीन दलित, भूमिहीन सुकुम्बासी तथा अव्यवस्थित बसोबासीको समस्या समाधान गर्ने अभियानअन्तर्गत सरकारले पाँचवटा स्थानीय तहलाई भूमिहीन समस्यामुक्त पालिका…

१८ नोभेम्बर २०२६ | मध्यपूर्व / मध्यपूर्वमा अमेरिका र इरानबीचको सैन्य तनाव थप चर्किएको छ। इरानको केश्म टापुस्थित क्षेप्यास्त्र प्रक्षेपण…

-गोबिन्द राज ओझा (राजन ) अनन्त आकाशबीच चम्किने ताराका ज्योति हौँ हामी सबै, प्रकृतिका कणकणभित्र लुकेको चेतनाका मोती हौँ हामी…

प्रतिकृयाहरू
...