स्वार्थ पुरा गर्न गालैमा चाट्दो रहेछ मान्छे ।
पिठो सँग पनि चामल साट्दो रहेछ मान्छे ।
आफ्नो चाहना पुरा भएपछि निर्दयी बनेर
पवित्र सम्बन्धको डोरी काट्दो रहेछ मान्छे ।
चोटैचोट छन् मुटुमा अथाह जन्मभूमि छोड्नेहरुको पीडा ।
आफ्नो बनाई बिरानो पराई जनसँग नाता जोड्नेहरुको पीडा ।
भन्ने कहाँ होला मनको व्यथा सुनाउने कसलाई हो?
बुझिदिने कस्ले धर्ती ओछ्याएर आकाश ओड्नेहरुको पीडा ।
दुष्ट कोरोना भाग् मुख मोड्ने दिन आयो अब ।
तेरो जालो माहामारीको तोड्ने दिन आयो अब ।
पापको घडा भरियो तेरो ज्यादतीले दुनियाँ मा
मानवले जस्तै तेरो धर्ती छोड्ने दिन आयो अब ।
-राम भण्डारी
सिन्धुपाल्चोक
हालः काठमाडाैं ।
