Saturday 28th November 2020

कविताः सिध्दिदात्री – लोक छन्द: सवाई -हरि शर्मा (गलकोटे कवि)


भवानीको नवौ रुप सिध्दिदात्री भन्छन्।
ॠध्दि सिध्दि मिलोस् भनी सबै पूजा गर्छ्न्।
सिध्दिदात्री मानिएको प्रकाश शक्ति रूप ।
भगवतीका अङ्गहरु कान्तिमय खुब।१।🌷🙏🌺

बहुमूल्य आभुषण शरिरभर देख्दा।
कमल तथा सिँह माथि विराजमान हुँदा।
श्रध्दा भक्ति मनैदेखि उर्लिएर आयो।
त्यसै कारण कविताले मूर्त रुप पायो ।२।🌷🙏🌺

देवी भागवत भन्ने गर्छ शिवजीले पनि।
सिध्दिदात्री पूजा गरी अर्धनारी बने।
रातो फूल नरिवल सुगन्धले पूर्ण।
गुलिया र मिठा-मिठा चिज सम्पूर्ण ।३।🌷🙏🌺

चढाएर आजा पूजा चण्डिकाको हुन्छ।
कन्या पूजा विश्वकर्मा पूजा शान्ति दिन्छ।
हात्ती घोडा मोटरसाइकल गाडिहरु पनि।
नवमीको दिन पारी सबै पूजा हुने।४।🌷🙏🌺

मधुकैटभ महिषासुर धुम्रलोचन अनि।
चण्ड मुण्ड रक्तबीज निशुम्भको पनि।
अन्त्य तिर शुम्भ भन्ने दैंत्यलाई मारी।
भवानीले शान्ति छरिन् सारा लोक भरी ।५।🌷🙏🌺

बुध्दि निद्रा भोक छाया शक्ति तृष्णा क्षमा।
जाति कान्ति लज्जा शान्ति श्रध्दा भ्रान्तिमा।
लक्ष्मी वृत्ति स्मृति दया मातृ तुष्टि तथा।
आदिशक्ति मानिकन पूजा हुन्छ सदा ।६।🌷🙏🌺

देवी शक्ति अपार छ देउताहरु पनि।
ठुलो ठुलो कार्य गर्न उनकै आड लिने।
देवीरुप मानिएका आमा दिदी बहिनी।
ममाताका खानी जानौँ पूजा गरौँ हामी ।७।🌷🙏🌺

 

हरि शर्मा(गलकोटे कवि)
मिशिगन, अमेरिका । 🌷🙏🌺

 

 


Loading...
सम्बन्धित शीर्षकहरु

तितोपाटी- नेपाल उद्योग वाणिज्य महासंघको जारी निर्वाचनमा तीन स्थानमा शान्तिपूर्ण तवरले मतदान भइरहेका छन्। महासंघको कार्यालय टेकुमा समाचार तयार पार्दासम्म…

तीतोपाटी - रुकुम पश्चिममा जन्ती बोकेको जीप दुर्घटना हुँदा पाँचजनाको मृत्यु भएको छ। आठवीसकोट नगरपालिका–८, घारीखोलाबाट जन्ती लिएर फर्कदै गरेको…

तितोपाटी- संयुक्त राष्ट्रसंघले मध्यपूर्वमा संयमता अपनाउन आग्रह गरेको छ । इरानका एकजना वैज्ञानिकको हत्या भएपछि संयुक्त राष्ट्रंघले सो आग्रह गरेको…

प्रतिकृयाहरू