हार्ने र जित्नेको मतलब यहाँ भएन
को हो?सक्षम त्यसको त झन अर्थ रहेन
आफ्नो पदको लागि हर कुरामा सम्झौता
जो छ चाकरीवाद उही हुन्छ यहाँ विजेता ।।
हारे पनि माथि जिते पनि माथि के मतलब यहाँ
बाचा र कसम पद सँग खान्छन् किन?हो यहाँ
जता गयो ह्वात्तै बढ्यो भ्रष्टाचारीको महिमा
को हो? यसको नाइके हुँदैन पहिचान यहाँ ।।
राजधानी सर्यो यो कुनै मुद्दा होइन
के सम्झौता भयाे अब बुझ्न गाह्रो भएन
भ्रष्टाचारले भिज्दा पनि केही फरक परेन
शक्तिको अगाडि हाम्रो केही लागेन ।।
अर्थको कुण्डमा होमिन पाउँदा मन त खुसी भा होला
जनताहरू सडकमा रुँदा पनि नेतालाइ मालामाल झोला
हामी सधै कति बोली रहनु अन्धा छन यहाँ सबै
के अचम्म मान्ने खोइ? परम्परा भो यहाँ यस्तै ।।
नारायण कोइराला
तानसेन पाल्पा
हाल युएई
